മക്ക: ഹജ്ജ് കര്‍മങ്ങള്‍ പൂര്‍ത്തീകരിച്ച മലയാളി ഹാജിമാരുടെ അവസാന സംഘം ചൊവ്വാഴ്ച കരിപ്പൂരിലെത്തും. ജിദ്ദ വഴിയുള്ള ഇന്ത്യന്‍ ഹാജിമാരുടെ അവസാന സംഘവും അന്നുതന്നെ പുറപ്പെടും. പ്രവാചക നഗരിയിലെ സന്ദര്‍ശനം പൂര്‍ത്തിയാക്കി ബാക്കിയുള്ള ഇന്ത്യന്‍ ഹാജിമാര്‍ ഈ മാസം 15 ഒാടെ നാട്ടിലേക്കെത്തും. ഹജ്ജിനായി മദീനയിലേക്കെത്തിയവരാണ് ജിദ്ദ വഴി മടങ്ങുന്നത്. അവസാന സംഘം ചൊവ്വാഴ്ച മടങ്ങുന്നതോടെ പകുതിയിലേറെ ഇന്ത്യന്‍ ഹാജിമാരാണ് നാട്ടിലെത്തുക. ജിദ്ദ വിമാനത്താവളം വഴി അവസാനം എത്തിയ ഹാജിമാര്‍ മദീന സന്ദര്‍ശനത്തിലാണ്.
സന്ദര്‍ശനം പൂര്‍ത്തിയാക്കാന്‍ ബാക്കിയുള്ള മുഴുവൻ ഹാജിമാരും ഈ മാസം ഏഴിന് മദീനയിലെത്തും. ഈ മാസം 15നാണ് മദീനയില്‍നിന്നുള്ള അവസാന ഇന്ത്യന്‍ സംഘം മടങ്ങുക. ഇതോടെ ഈ വര്‍ഷത്തെ ഹജ്ജ് യാത്രകൾ പൂര്‍ത്തിയാകും. വിവിധ വകുപ്പുകളിലായി ഡെപ്യൂട്ടേഷനിൽ എത്തിയ ഇന്ത്യൻ ഹജ്ജ് കമ്മിറ്റി ഉദ്യോഗസ്ഥർ ഈ മാസം നാലുമുതലാണ് മടങ്ങുന്നത്. മലയാളി ഹാജിമാര്‍ക്ക് ഇത്തവണ നെടുമ്പാശ്ശേരിക്കൊപ്പം കരിപ്പൂരിലും എംബാര്‍ക്കേഷനുണ്ടായിരുന്നു. നെടുമ്പാശ്ശേരിയിലേക്കുള്ള അവസാന സംഘം കഴിഞ്ഞ ദിവസമാണ് മടങ്ങിയത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.