റിയാദ് കെ.എം.സി.സി സി.എച്ച് അനുസ്മരണ പരിപാടിയിൽ
യൂത്ത് ലീഗ് സംസ്ഥാന ട്രഷറർ പി. ഇസ്മാഈൽ പ്രഭാഷണം
നടത്തുന്നു
റിയാദ്: കാലങ്ങളെ അതിജയിച്ച നേതാവാണ് സി.എച്ച്. മുഹമ്മദ് കോയയെന്ന് മുസ്ലിം യൂത്ത് ലീഗ് സംസ്ഥാന ട്രഷറർ പി. ഇസ്മാഈൽ. കെ.എം.സി.സി റിയാദ് സെൻട്രൽ കമ്മിറ്റി സംഘടിപ്പിച്ച സി.എച്ച്. അനുസ്മരണ പരിപാടിയിൽ മുഖ്യപ്രഭാഷണം നടത്തുകയായിരുന്നു അദ്ദേഹം.
അടിസ്ഥാന വിദ്യാഭ്യാസംപോലും അന്യംനിന്നിരുന്ന സമുദായത്തിന് ദിശാബോധം നൽകി. ക്രിയാത്മക ഇടപെടലുകൾ വഴി അവരെ മുഖ്യധാരയിലേക്ക് കൊണ്ടുവന്ന സി.എച്ചിന്റെ ആശയങ്ങളും കർമനൈരന്തര്യവുമാണ് ഇന്ന് നാം കൈവരിച്ച വിദ്യാഭ്യാസ പുരോഗതിയുടെ നിദാനമെന്നും ഇസ്മാഈൽ പറഞ്ഞു.
ബത്ഹയിലെ അപ്പോളോ ഡിമോറ ഓഡിറ്റോറിയത്തിൽ നടന്ന പരിപാടിയിൽ പ്രസിഡൻറ് സി.പി. മുസ്തഫ അധ്യക്ഷത വഹിച്ചു. ചെയർമാൻ അബ്ദുസ്സലാം തൃക്കരിപ്പൂർ ഉദ്‌ഘാടനം ചെയ്തു. മുസ്ലിം ലീഗ് നേതാക്കളായിരുന്ന വി.കെ. അബ്ദുഖാദർ മൗലവിയെ വി.കെ. മുഹമ്മദും പി.വി. മുഹമ്മദ് അരീക്കോടിനെ സത്താർ താമരത്തും പി.പി.എ. കരീമിനെ ഷറഫു വയനാടും അനുസ്മരിച്ചു. യു.പി. മുസ്തഫ ആമുഖ പ്രഭാഷണം നടത്തി. കെ.ടി. അബൂബക്കർ സ്വാഗതവും അബ്ദുറഹ്മാൻ ഫറോക്ക് നന്ദിയും പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.