റിയാദ്: കോവിഡ് പശ്ചാത്തലത്തിൽ സൗദി അറേബ്യയിൽ കർഫ്യൂ നിയന്ത്രണങ്ങൾ തുടരുന്നതിനിടെ ജോലിക്ക് പോകാൻ കഴിയാതെ പ്രയാസത്തിലായ ഹുത്ത ബനി തമീമിലെ പ്രവാസികൾക്ക് ഹുത്ത മലയാളീസ് ചാരിറ്റി ഓർഗനൈസേഷൻ ഒന്നാംഘട്ട റമദാൻ റിലീഫ് കിറ്റുകൾ വിതരണം ചെയ്തു. പ്രയാസമനുഭവിക്കുന്നവരെ കണ്ടെത്തി റമദാൻ മുഴുവൻ ദിവസത്തേക്കുമുള്ള ഭക്ഷണ കിറ്റുകളാണ് വിതരണം ചെയ്തത്.
കർഫ്യൂ നീണ്ടുപോകുന്ന പശ്ചാത്തലത്തിൽ രണ്ടാംഘട്ട വിതരണം ചെറിയ പെരുന്നാളിനോട് അടുത്ത ദിനങ്ങളിൽ നടത്തുമെന്ന് ഭാരവാഹികൾ അറിയിച്ചു.
ചെയർമാൻ അഷ്റഫ് സ്റ്റീൽ, പ്രസിഡൻറ് മുസ്തഫ അറബി മണ്ണാർമല, രിഫായി മണ്ണാർക്കാട്, ജംഷീർ കണ്ണൂർ, നൗഫൽ വണ്ടൂർ, അനൂപ് മലപ്പുറം, ഇസ്മാഇൗൽ മലപ്പുറം, തുളസീധരൻ അഞ്ചൽ, ഷറഫു മണ്ണാർക്കാട് തുടങ്ങിയവർ നേതൃത്വം നൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.