അ​ന്താ​രാ​ഷ്​​ട്ര ഖു​ർ​ആ​ൻ പാ​രാ​യ​ണ, ബാ​ങ്ക് വി​ളി മ​ത്സ​രം​

ജി​ദ്ദ: സൗ​ദി പൊ​തു​വി​നോ​ദ അ​തോ​റി​റ്റി സം​ഘ​ടി​പ്പി​ച്ച അ​ന്താ​രാ​ഷ്​​ട്ര ഖു​ർ​ആ​ൻ, ബാ​ങ്ക് വി​ളി മ​ത്സ​ര​ത്തി​​ന്റെ അ​വ​സാ​ന റൗ​ണ്ടി​ൽ അ​ത്ഭു​ത​മാ​യി അ​മേ​രി​ക്ക​ൻ തി​ര​ക്ക​ഥാ​കൃ​ത്ത്. ഹോ​ളി​വു​ഡ്​ സി​നി​മ, ടെ​ലി​വി​ഷ​ൻ തി​ര​ക്ക​ഥാ​കൃ​ത്തും​ ഫ​ല​സ്തീ​ൻ വം​ശ​ജ​നു​മാ​യ യാ​സ​ർ ഉ​മ​ർ ശ​ഹീ​നാ​ണ്​ ത​​ന്റെ സ്വ​ര​മാ​ധു​രി​യി​ൽ ഖു​ർ​ആ​ൻ പാ​രാ​യ​ണം ചെ​യ്​​ത്​ സ​ദ​സ്സി​നെ​യും പ​രി​പാ​ടി ത​ത്സ​മ​യം വി​വി​ധ ചാ​ന​ലു​ക​ളി​ലൂ​ടെ ക​ണ്ട പ്രേ​ക്ഷ​ക​രെ​യും വി​സ്​​മ​യി​പ്പി​ച്ച​ത്.

‘പെ​ർ​ഫ്യൂം ഓ​ഫ് സ്പീ​ച്’ എ​ന്ന പേ​രി​ൽ​ ന​ട​ക്കു​ന്ന അ​ന്താ​രാ​ഷ്​​ട്ര ഖു​ർ​ആ​ൻ, ബാ​​ങ്ക്​ വി​ളി മ​ത്സ​ര പ​രി​പാ​ടി​യി​ലാ​ണ്​ കേ​ൾ​വി​യെ ര​സി​പ്പി​ക്കു​ന്ന സ​മ്പ​ന്ന​മാ​യ ശ​ബ്​​ദ​ത്തി​നു​ട​മ​യാ​യ യാ​സ​ർ ഉ​മ​ർ ശ​ഹീ​ൻ പ​​​ങ്കെ​ടു​ത്ത​ത്​. വെ​ള്ളി​യാ​ഴ്​​ച ന​ട​ന്ന മ​ത്സ​ര​ത്തി​ൽ യാ​സ​ർ ഉ​ജ്ജ്വ​ല പ്ര​ക​ട​ന​മാ​ണ്​ കാ​ഴ്​​ച​വെ​ച്ച​തെ​ന്ന്​ പ​രി​പാ​ടി​ക്ക്​ സാ​ക്ഷി​യാ​യ​വ​ർ ഒ​രേ സ്വ​ര​ത്തി​ൽ അ​ഭി​പ്രാ​യ​പ്പെ​ട്ടു. തി​ക​ച്ചും വ്യ​ത്യ​സ്​​ത​വും പു​തു​മ​യാ​ർ​ന്ന​തു​മാ​യ ഖു​ർ​ആ​ൻ പാ​രാ​യ​ണ​മാ​ണ്​ അ​മേ​രി​ക്ക​യി​ൽ​നി​ന്നു​ള്ള മ​ത്സ​രാ​ർ​ഥി​യാ​യി പ​​ങ്കെ​ടു​ത്ത അ​ദ്ദേ​ഹം ന​ട​ത്തി​യ​ത്.

ഹോ​ളി​വു​ഡി​ലെ ച​ല​ച്ചി​ത്ര നി​ർ​മാ​ണ​ശാ​ല​ക​ളി​ൽ തി​ര​ക്ക​ഥ​യെ​ഴു​ത്തും മ​റ്റു​മാ​യി തി​ര​ക്കി​ല​മ​ർ​ന്നി​രി​ക്കു​മ്പോ​ഴും ഖു​ർ​ആ​ൻ മ​നഃ​പാ​ഠ​മാ​ക്കു​ന്ന​തി​നും പാ​രാ​യ​ണം ചെ​യ്യു​ന്ന​തി​നും സ​മ​യം ക​ണ്ടെ​ത്തി​യി​രു​ന്നു​വെ​ന്ന്​​ ശ​ഹീ​ൻ പ​റ​ഞ്ഞു. 130ല​ധി​കം ച​ല​ച്ചി​ത്ര, ടി.​വി പ​രി​പാ​ടി​ക​ളു​ടെ നി​ർ​മാ​ണ​ത്തി​ൽ പ​ങ്കാ​ളി​യാ​യി. 14 ഡോ​ക്യു​മെ​ന്റ​റി​ക​ൾ നി​ർ​മി​ച്ചു. അ​റ​ബ്, ഇ​സ്​​ലാ​മി​ക രാ​ജ്യ​ങ്ങ​ളി​ലെ ടി.​വി ചാ​ന​ലു​ക​ളി​ൽ നി​ര​വ​ധി പ​രി​പാ​ടി​ക​ളി​ൽ ത​​ന്റെ പ​ങ്കാ​ളി​ത്തം ഉ​ണ്ടാ​യി​ട്ടു​ണ്ടെ​ന്നും യാ​സ​ർ ഉ​മ​ർ ശ​ഹീ​ൻ പ​റ​ഞ്ഞു.

നി​ര​വ​ധി മ​ത്സ​ര​ങ്ങ​ളി​ലൂ​ടെ​യാ​ണ്​ ‘പെ​ർ​ഫ്യൂം ഓ​ഫ് സ്പീ​ച്’ അ​വ​സാ​ന റൗ​ണ്ടി​ലെ​ത്തി​യ​ത്. അ​ങ്ങ​നെ​യാ​ണ്​ എം.​ബി.​സി വ​ൺ സ്‌​ക്രീ​നി​ലെ​യും ഷാ​ഹി​ദ് ഡി​ജി​റ്റ​ൽ പ്ലാ​റ്റ്‌​ഫോ​മി​ലെ​യും പ​രി​പാ​ടി​യു​ടെ കാ​ഴ്‌​ച​ക്കാ​ർ​ക്ക്​ റ​മ​ദാ​നി​ൽ ഖു​ർ​ആ​​ന്റെ സൗ​ന്ദ​ര്യം വ​ർ​ണി​ക്കു​ന്ന ആ​ഗോ​ള ഖു​ർ​ആ​ൻ പാ​രാ​യ​ണ മ​ത്സ​ര​ത്തി​ലെ ശ​ബ്​​ദ​ങ്ങ​ളി​ലൊ​ന്നാ​കാ​ൻ സാ​ധി​ച്ചി​രി​ക്കു​ന്ന​ത്.

ഹോ​ളി​വു​ഡി​ൽ സ്വ​ന്തം അ​ഭി​ലാ​ഷ​ത്താ​ൽ എ​ത്തി​ച്ചേ​ർ​ന്ന ശ​ഹീ​ൻ കാ​ലി​ഫോ​ർ​ണി​യ​യി​ലെ സാ​ൻ ജോ​സ് യൂ​നി​വേ​ഴ്സി​റ്റി​യി​ൽ ഫാ​ക്ക​ൽ​റ്റി അം​ഗ​മാ​യി പ്ര​വ​ർ​ത്തി​ച്ചി​ട്ടു​ണ്ട്.

ച​ല​ച്ചി​ത്ര മേ​ഖ​ല​യി​ൽ തി​ള​ങ്ങി നി​ന്ന​തോ​ടൊ​പ്പം അ​റ​ബ് വം​ശ​ജ​രാ​യ പ​ല അ​മേ​രി​ക്ക​ക്കാ​ർ​ക്കും അ​ന്യ​മാ​യ നി​ര​വ​ധി മേ​ഖ​ല​ക​ളി​ൽ നി​റ​സാ​ന്നി​ധ്യ​മാ​വാ​ൻ അ​ദ്ദേ​ഹ​ത്തി​നാ​യി​ട്ടു​ണ്ട്​. ടെ​ക്‌​സ​സി​ലെ ഡാ​ള​സി​ൽ പ​ള്ളി​ക​ളി​ൽ മു​സ്‌​ലിം കു​ട്ടി​ക​ളെ ഖു​ർ​ആ​നി​ലെ വാ​ക്യ​ങ്ങ​ളും ഉ​ച്ചാ​ര​ണ നി​യ​മ​ങ്ങ​ളും പ​ഠി​പ്പി​ച്ച​ത്​ ഉ​ൾ​പ്പെ​ടെ വി​വി​ധ മേ​ഖ​ല​ക​ളി​ൽ ശ​ഹീ​ൻ ത​ന്റെ ക​ഴി​വ്​ പ്ര​ക​ടി​പ്പി​ച്ചി​ട്ടു​ണ്ട്.