ജാ​മി​അ അ​ശ്അ​രി​യ്യ ഇ​സ്​​ലാ​മി​യ ശ​ൽ​ബാ​ൻ ജൂ​ബി​ലി ആ​ഘോ​ഷം

ജി​ദ്ദ: മ​ധ്യ​കേ​ര​ള​ത്തി​ലെ പ്ര​മു​ഖ മ​ത, ഭൗ​തി​ക സ​മ​ന്വ​യ വി​ദ്യാ​ഭ്യാ​സ ക​ലാ​ല​യ​മാ​യ എ​റ​ണാ​കു​ളം ജാ​മി​അ അ​ശ്‌​അ​രി​യ്യ ഇ​സ്​​ലാ​മി​യ വി​ദ്യാ​ഭ്യാ​സ വി​പ്ല​വ​ത്തി​ന്റെ മൂ​ന്ന് പ​തി​റ്റാ​ണ്ട് പൂ​ർ​ത്തി​യാ​ക്കി ശ​ൽ​ബാ​ൻ ജൂ​ബി​ലി ആ​ഘോ​ഷി​ക്കു​ക​യാ​ണെ​ന്ന് ഭാ​ര​വാ​ഹി​ക​ൾ ജി​ദ്ദ​യി​ൽ വാ​ർ​ത്ത​സ​മ്മേ​ള​ന​ത്തി​ൽ അ​റി​യി​ച്ചു.

മ​തം, ജ്ഞാ​നം, ബ​ഹു​സ്വ​ര​ത എ​ന്ന പ്ര​മേ​യ​ത്തി​ലൂ​ന്നി ഡി​സം​ബ​ർ എ​ട്ട്, ഒ​മ്പ​ത്, പ​ത്ത് തീ​യ​തി​ക​ളി​ൽ ഇ​മാം അ​ശ്അ​രി സ്‌​ക്വ​യ​റി​ൽ വെ​ച്ചാ​ണ് ആ​ഘോ​ഷ പ​രി​പാ​ടി​ക​ൾ ന​ട​ക്കു​ക. കോ​ള​ജ് ഓ​ഫ് ഇ​സ്‍ലാ​മി​ക് ശ​രീ​അ, ദ​അ​വ കോ​ള​ജ്, ഖു​ർ​ആ​ൻ കോ​ള​ജ്, റാ​ബി​അ വി​മ​ൻ​സ് അ​ക്കാ​ദ​മി, ഹ​യ​ർ സെ​ക്ക​ൻ​ഡ​റി സ്‌​കൂ​ൾ തു​ട​ങ്ങി പു​തി​യ ത​ല​മു​റ​ക്ക് വി​ദ്യാ​ഭ്യാ​സ മു​ന്നേ​റ്റ​ത്തി​ന് അ​നി​വാ​ര്യ​മാ​യ വി​വി​ധ സ്ഥാ​പ​ന​ങ്ങ​ൾ അ​ശ്അ​രി​യ്യ​യു​ടെ കീ​ഴി​ൽ പ്ര​വ​ർ​ത്തി​ച്ചു​കൊ​ണ്ടി​രി​ക്കു​ന്നു.

വാ​ർ​ഷി​ക പ​രി​പാ​ടി​യു​ടെ ഭാ​ഗ​മാ​യി അ​ർ​ഹ​രാ​യ​വ​ർ​ക്ക് വീ​ൽ​ചെ​യ​ർ വി​ത​ര​ണം, വി​വാ​ഹ, മെ​ഡി​ക്ക​ൽ സ​ഹാ​യം തു​ട​ങ്ങി വി​വി​ധ സേ​വ​ന പ്ര​വ​ർ​ത്ത​ന​ങ്ങ​ൾ ന​ട​ന്നു​കൊ​ണ്ടി​രി​ക്കു​ന്നു. 1000ത്തോ​ളം വി​ദ്യാ​ർ​ഥി​ക​ൾ പ​ഠി​ക്കു​ന്ന സ്ഥാ​പ​ന​ത്തി​ൽ​നി​ന്ന് ഈ ​വ​ർ​ഷം പ​ഠ​നം പൂ​ർ​ത്തി​യാ​ക്കി​യ 113 ഹാ​ഫി​ളു​ക​ളും അ​ശ്‌​അ​രി യു​വ പ​ണ്ഡി​ത​രും വാ​ർ​ഷി​ക സ​മ്മേ​ള​ന​ത്തി​ൽ ബി​രു​ദം സ്വീ​ക​രി​ക്കും.

പ്ര​തി​പ​ക്ഷ നേ​താ​വ് വി.​ഡി. സ​തീ​ശ​ൻ ആ​ഘോ​ഷ പ​രി​പാ​ടി​ക​ൾ ഉ​ദ്‌​ഘാ​ട​നം ചെ​യ്യും. കാ​ന്ത​പു​രം എ.​പി. അ​ബൂ​ബ​ക്ക​ർ മു​സ്‌​ലി​യാ​ർ സ​ന​ദ് ദാ​നം നി​ർ​വ​ഹി​ക്കും. സ​യ്യി​ദ​ന്മാ​ർ, പ​ണ്ഡി​ത​ന്മാ​ർ, മ​ന്ത്രി​മാ​ർ, എം.​എ​ൽ.​എ​മാ​ർ, സാ​മൂ​ഹി​ക, സാം​സ്‌​കാ​രി​ക രം​ഗ​ത്തെ വി​ശി​ഷ്ട വ്യ​ക്തി​ത്വ​ങ്ങ​ൾ തു​ട​ങ്ങി​യ​വ​ർ വി​വി​ധ സെ​ഷ​നു​ക​ളി​ൽ പ​ങ്കെ​ടു​ക്കു​മെ​ന്നും ഭാ​ര​വാ​ഹി​ക​ൾ അ​റി​യി​ച്ചു.

സെ​ക്ര​ട്ട​റി എം.​പി അ​ബ്​​ദു​ൽ ജ​ബ്ബാ​ർ സ​ഖാ​ഫി, അ​ബ്​​ദു​ൽ ക​ലാം സ​ഖാ​ഫി പ​ല്ലാ​രി​മം​ഗ​ലം, അ​ബ്​​ദു​ൽ ജ​ബ്ബാ​ർ കോ​ത​മം​ഗ​ലം, ഹം​സ അ​റ​ക്ക​ൽ, ഉ​ബൈ​ദ് പെ​രു​മ്പാ​വൂ​ർ, സി​ദ്ദീ​ഖ് ആ​ല​പ്പു​ഴ, സി​യാ​ദ് ബീ​മാ​പ്പ​ള്ളി എ​ന്നി​വ​ർ വാ​ർ​ത്ത​സ​മ്മേ​ള​ന​ത്തി​ൽ സം​ബ​ന്ധി​ച്ചു.