ജിദ്ദ: ഖാലിദ് ബിൻ വലീദ് സ്ട്രീറ്റിലുള്ള ഹിലാൽ ശാം സ്റ്റേഡിയത്തിൽ നടന്നു വരുന്ന അഞ്ചാമത് അൽ അബീർ ബ്ലൂസ്റ്റാർ സോക്കർ ഫെസ്റ്റിൽ ഇന്ന് (വെള്ളി) നാല് മത്സരങ്ങൾ നടക്കും. വൈകീട്ട് 7:30 ന് ജൂനിയർ ലീഗ് (അണ്ടർ 17) ലെ ആദ്യ മത്സരത്തിൽ ബദർ അൽ തമാം ടാലാന്റ് ടീൻസ്, സ്പോർട്ടിങ് യുനൈറ്റഡ് ജിദ്ദ ബി ടീമുമായി ഏറ്റുമുട്ടും.
ജൂനിയർ ലീഗിലെ രണ്ടാം മത്സരത്തിൽ സിഫ് അണ്ടർ 17 ചാമ്പ്യന്മാരായ സ്പോർട്ടിങ് യുനൈറ്റഡ് ജിദ്ദ, സോക്കർ ഫ്രീക്സുമായി ഏറ്റുമുട്ടും. ഒമ്പത് മണിക്ക് സെക്കൻഡ് ഡിവിഷൻ ലീഗിൽ കരുത്തരായ എ.സി.സി ബി ടീം, സിഫ് സി
ഡിവിഷൻ ചാമ്പ്യന്മാരായ കമ്പ്യുടെക്ക് ഐ.ടി സോക്കറുമായി ഏറ്റുമുട്ടും. 10 മണിക്ക് നടക്കുന്ന സൂപ്പർ ലീഗിലെ സൂപ്പർ പോരാട്ടത്തിൽ ആതിഥേയരായ ബ്ലൂസ്റ്റാർ എ ടീം മുൻ ചാമ്പ്യന്മാരായ ആദാബ് ബിരിയാണി ഹൌസ് എ.സി.സി എ ടീമുമായി ഏറ്റുമുട്ടും. ജിദ്ദ, ദമ്മാം, റിയാദ് എന്നിവിടങ്ങളിൽ നിന്നുള്ള പ്രഗൽഭ താരങ്ങൾ മത്സരത്തിൽ ഇരു ടീമുകൾക്കുമായി ബൂട്ട് അണിയുന്നുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.