ജിദ്ദ നവോദയ ശറഫിയ ഏരിയ സമ്മേളനം കിസ്മത്ത് മമ്പാട് ഉദ്ഘാടനം ചെയ്യുന്നു
ജിദ്ദ: നവോദയ 30ാം കേന്ദ്രസമ്മേളനത്തിന് മുന്നോടിയായി യൂനിറ്റ് സമ്മേളനങ്ങള് പൂര്ത്തിയാക്കി. കേന്ദ്ര കമ്മിറ്റി ഓഫിസ് സ്ഥിതിചെയ്യുന്ന ശറഫിയ ഏരിയ സമ്മേളനം മൻസൂർ നഗറിൽ നടന്നു. സമ്മേളനം ജിദ്ദ നവോദയ പ്രസിഡന്റ് കിസ്മത് മമ്പാട് ഉദ്ഘാടനം ചെയ്തു. കേന്ദ്രം ഭരിക്കുന്ന ഫാഷിസ്റ്റ് സർക്കാർ ഭീകരമായ അവസ്ഥയിലേക്ക് എത്തിച്ചേര്ന്നുകൊണ്ടിരിക്കുന്ന കാലഘട്ടത്തില് നന്മയുടെ തുരുത്തായി കേരളമെന്ന ഭൂമിക കാത്തുസൂക്ഷിക്കാന് പ്രവാസികളായ എല്ലാവരും ഒത്തൊരുമിച്ചു പ്രവര്ത്തിക്കണമെന്ന് കിസ്മത് മമ്പാട് പറഞ്ഞു. മുജീബ് പൂന്താനം അധ്യക്ഷത വഹിച്ചു.
രക്തസാക്ഷി പ്രമേയം സാബു മമ്പാട്, അനുശോചന പ്രമേയം മൂസ മോൻ, ഏരിയ പ്രവർത്തന റിപ്പോർട്ട് ഏരിയ സെക്രട്ടറി അമീൻ വേങ്ങൂർ, സാമ്പത്തിക റിപ്പോർട്ട് ട്രഷറർ നൗഷാദ് ബാബു, സംഘടന റിപ്പോർട്ട് ജിദ്ദ നവോദയ ജനറൽ സെക്രട്ടറി ശ്രീകുമാർ മാവേലിക്കര എന്നിവർ അവതരിപ്പിച്ചു. പുതിയ ഏരിയ കമ്മിറ്റി പാനൽ ശറഫിയ ഏരിയ രക്ഷാധികാരി ഫിറോസ് മുഴപ്പിലങ്ങാട് അവതരിപ്പിച്ചു.
കരുവന്നൂർ സഹകരണ ബാങ്കിന്റെ പേരിൽ സഹകരണ മേഖലക്കെതിരെ കേന്ദ്ര ഏജൻസികളെ ഉപയോഗിച്ച് ബി.ജെ.പി സർക്കാർ നടത്തുന്ന സംഘടിത അക്രമത്തിനെതിരെയും മാധ്യമങ്ങൾക്കെതിരെ യു.എ.പി.എ ചുമത്തുന്നതിനെതിരെയുമുള്ള പ്രമേയങ്ങൾ സമ്മേളന പ്രതിനിധികള് ഐകകണ്ഠ്യേന അംഗീകരിച്ചു. മുജീബ് പൂന്താനം, ഹസൻ, നജ റഫീഖ് എന്നിവർ പ്രതിനിധി സമ്മേളനം നിയന്ത്രിച്ചു. ബിനു മുണ്ടക്കയം ക്രഡൻഷ്യൽ റിപ്പോർട്ട് അവതരിപ്പിച്ചു. ജിദ്ദ നവോദയ മുഖ്യരക്ഷാധികാരി ഷിബു തിരുവനന്തപുരം, ട്രഷറർ എം. അബ്ദുറഹ്മാൻ എന്നിവർ സംസാരിച്ചു. വാസു തിരൂർ സ്വാഗതവും അമീൻ വേങ്ങൂർ നന്ദിയും പറഞ്ഞു.
സമ്മേളനത്തിൽ തെരഞ്ഞെടുത്ത പുതിയ ഏരിയ ഭാരവാഹികൾ: ഫൈസൽ കൊടശ്ശേരി (പ്രസിഡന്റ്), അമീൻ വേങ്ങൂർ (സെക്രട്ടറി), ബിനു മുണ്ടക്കയം (ട്രഷറർ), മുസ്തഫ വണ്ടൂർ (ജീവകാരുണ്യ കൺവീനർ), വാസു തിരൂർ (ജോയൻറ് കൺവീനർ), നൗഷാദ് ബാബു (കുടുംബവേദി കൺവീനർ), നജ റഫീഖ് (വനിതാ കൺവീനർ), ഷഫീഖ് (യുവജനവേദി കൺവീനർ).
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.