റിയാദ് കെ.എം.സി.സി മലപ്പുറം മണ്ഡലം എക്സിക്യൂട്ടിവ് ക്യാമ്പ് ജില്ല പ്രസിഡന്‍റ് ഷൗക്കത്ത് കടമ്പോട്ട് ഉദ്‌ഘാടനം ചെയ്യുന്നു
റിയാദ്: കെ.എം.സി.സി മലപ്പുറം മണ്ഡലം കമ്മിറ്റിയുടെ വിന്‍റർ സീസൺ എക്സിക്യൂട്ടിവ് ക്യാമ്പ് ദിറാബ് ഹയാത് ഇസ്തിറാഹയിൽ സംഘടിപ്പിച്ചു. തെരഞ്ഞെടുത്ത പ്രവര്‍ത്തകരുടെ മുഴുവന്‍ സമയ സാന്നിധ്യം കൊണ്ടു ശ്രദ്ധിക്കപ്പെട്ട ക്യാമ്പിൽ കോൽക്കളി, ഫുട്ബാൾ, മാപ്പിളപ്പാട്ട്, ക്വിസ് മത്സരം, സ്വിമ്മിങ് മത്സരം, കുട്ടികൾക്കായുള്ള മത്സരങ്ങൾ തുടങ്ങി വ്യത്യസ്ത പരിപാടികൾ അരങ്ങേറി. ചിട്ടയോടെ ക്രമീകരിച്ച ക്യാമ്പ് അംഗങ്ങള്‍ക്ക് ഓര്‍ത്തുവെക്കാവുന്ന സമ്മാനങ്ങള്‍ നല്‍കി പുലർച്ചെ മൂന്നോടെ അവസാനിച്ചു.
കെ.എം.സി.സി മലപ്പുറം ജില്ലാകമ്മിറ്റി പ്രസിഡന്‍റ് ഷൗക്കത്ത് കടമ്പോട്ട് എക്സിക്യൂട്ടിവ് ക്യാമ്പ് ഉദ്‌ഘാടനം ചെയ്തു. മണ്ഡലം പ്രസിഡന്‍റ് ബഷീർ ഇരുമ്പുഴി അധ്യക്ഷത വഹിച്ചു. സെൻട്രൽ കമ്മിറ്റി ഭാരവാഹികളായ പി.സി. മജീദ്, ഷാഫി മാസ്റ്റർ, ജില്ല കമ്മിറ്റി അംഗം യൂനുസ് നാണത്ത് തുടങ്ങിയവർ പരിപാടിക്ക് സംസാരിച്ചു.
മലപ്പുറം മണ്ഡലം ഭാരവാഹികൾ ക്യാമ്പിന് നേതൃത്വം നൽകി. ജനറൽ സെക്രട്ടറി സി.കെ. അബ്ദുറഹ്മാൻ സ്വാഗതവും ശറഫുദ്ദീൻ കൊടക്കാടൻ നന്ദിയും പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.