ദമ്മാം മലപ്പുറം പ്രീമിയർ ലീഗ് ക്രിക്കറ്റ് സീസൺ ത്രീയുടെ ചാരിറ്റി വിഹിതം ടൂർണമെന്‍റ്
ചെയർമാൻ ശിഹാബ് പ്രസിഡന്‍റ് നജ്മുസ്സമാൻ ഐക്കരപ്പടിക്ക് കൈമാറുന്നു
ദമ്മാം: മലപ്പുറം ജില്ല ക്രിക്കറ്റ് കൂട്ടായ്മ മലപ്പുറം പ്രീമിയർ ലീഗ് സീസൺ ത്രീ വിജയികളെ ആദരിച്ചു. ടൂർണമെന്‍റിൽ നിന്നുള്ള ചാരിറ്റി വിഹിതം ചടങ്ങിൽ കൈമാറുകയും ചെയ്തു. ദമ്മാം ഓഷ്യാന റസ്റ്റാറന്‍റിൽ നടന്ന ചടങ്ങ് പ്രസിഡന്‍റ് നജ്മുസ്സമാൻ ഐക്കരപ്പടി ഉദ്ഘാടനം ചെയ്തു. ചെയർമാൻ ശിഹാബ് വെട്ടത്തൂർ അധ്യക്ഷത വഹിച്ചു. കഴിഞ്ഞ രണ്ടു സീസൺ പോലെതന്നെ ഇത്തവണയും ടൂർണമെന്‍റിന്‍റെ ചാരിറ്റി വിഹിതം നാട്ടിലുള്ള നിർധന രോഗികളുടെ ചികിത്സാ സഹായത്തിലേക്കായാണ് കൈമാറിയത്.
ഗായിക ജിൻഷ ഹരിദാസ്, ഖദീജ ടീച്ചർ എന്നിവർ വിശിഷ്ടാതിഥികളായി. വൈസ് പ്രസിഡന്‍റ് ആബിദ് വളാഞ്ചേരി, വൈസ് ചെയർമാൻ കെ.ടി. അൻവർ സാദത്ത്, ഷെഫീഖ്, യൂനുസ് വളാഞ്ചേരി, ഇസ്മാഈൽ പുള്ളാട്ട്, സഹീർ മുണ്ടോടൻ, ബോവാസ് തോമസ്, ജനു ജനാർദനൻ, റാഷിദ്, വാജിദ് വി.കെ പടി തുടങ്ങിയവർ പുരസ്കാരങ്ങൾ കൈമാറി. ചടങ്ങിന് ജനറൽ കൺവീനർ സഹീർ മജ്ദാൽ സ്വാഗതവും ട്രഷറർ യൂസുഫ് മലപ്പുറം നന്ദിയും പറഞ്ഞു.
ഖൈസ് റഷീദിന്‍റെ ബ്യൂഗിൾ മ്യൂസിക്കും ജിൻഷ ഹരിദാസ്, അരുൺ സേവ്യർ, ലിൻസു സന്തോഷ്, ഫൈസൽ ആലുവ, സിദ്ദീഖ്, അൻഷിദ് കൊളാടി എന്നിവരുടെ ഗാനാലാപനവും ഹംദ നസ്റിൻ, ഹയ നസ്റിൻ, ഷെഹ്സ ഷെഫീഖ്, ഇഹ്സ, നെഷ്വ, ഷെല്ല, അയ്ഷ എന്നിവരുടെ നൃത്തങ്ങളും ചടങ്ങിന് മാറ്റുകൂട്ടി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.