ജിദ്ദ: പ്രവാസികൾക്ക് അസുഖസംബന്ധമായ വിവരങ്ങൾ അറിയിക്കുന്നതിനും ആവശ്യമായ മരുന ്നുകൾ നിർദേശിക്കുന്നതിനുമായി പെരിന്തൽമണ്ണ കേന്ദ്രീകരിച്ച് രൂപവത്കരിച്ച മെഡിക ്കൽ ഹെൽപ് െഡസ്ക് മേയ് മൂന്നുവരെ തുടരുമെന്ന് മഞ്ഞളാംകുഴി അലി എം.എൽ.എ അറിയിച്ചു. ‘ഈ പ്രതിസന്ധിയും നമ്മൾ അതിജീവിക്കും’ എന്ന ശീർഷകത്തിൽ ജിദ്ദ പെരിന്തൽമണ്ണ മണ്ഡലം കെ.എം.സി.സി സംഘടിപ്പിച്ച ഓൺലൈൻ യോഗം ഉദ്ഘാടനം ചെയ്യുകയായിരുന്നു അദ്ദേഹം.
വ്യത്യസ്ത വിഭാഗങ്ങളിൽ പ്രഗത്ഭരായ ഏഴ് ഡോക്ടർമാർ അടങ്ങിയതാണ് മെഡിക്കൽ വിങ് എന്നും പ്രവാസികളായ മുഴുവൻ സുഹൃത്തുക്കൾക്കും ഈ സേവനം ഉപയോഗപ്പെടുത്താമെന്നും അദ്ദേഹം പറഞ്ഞു. പ്രസിഡൻറ് ടി.എൻ. പുരം മഹമ്മദലി അധ്യക്ഷത വഹിച്ചു. പെരിന്തൽമണ്ണ മണ്ഡലം മുസ്ലിം ലീഗ്, മുനിസിപ്പൽ നേതാക്കൾ, വിവിധ പഞ്ചായത്തിൽ നിന്നുള്ള മുസ്ലിം ലീഗ്, യൂത്ത് ലീഗ് നേതാക്കൾ, ജിദ്ദയിൽ നിന്നുള്ള പ്രതിനിധികൾ എന്നിവർ സംസാരിച്ചു.
അബു കട്ടുപ്പാറ ടെക്നിക്കൽ സപ്പോർട്ട് നൽകി. അഷ്റഫ് താഴെക്കോട് സ്വാഗതവും റഷീദ് കിഴിശ്ശീരി നന്ദിയും പറഞ്ഞു. സക്കീർ മണ്ണാർമല ഖിറാഅത്ത് നടത്തി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.