ആ​ദ്യ​ത്തെ ‘ദേ​ശീ​യ പ്ര​തി​രോ​ധ സ​ർ​വ​ക​ലാ​ശാ​ല’ റി​യാ​ദി​ൽ

റി​യാ​ദ്​: സൗ​ദി​യി​ൽ ആ​ദ്യ​ത്തെ ​ദേ​ശീ​യ പ്ര​തി​രോ​ധ സ​ർ​വ​ക​ലാ​ശാ​ല സ്ഥാ​പി​ക്കു​ന്നു. 67 വ​ർ​ഷ​ത്തെ സൈ​നി​ക വി​ദ്യാ​ഭ്യാ​സ​ത്തി​നു​ശേ​ഷം സാ​യു​ധ സേ​ന​യു​ടെ ‘ക​മാ​ൻ​ഡ് ആ​ൻ​ഡ് സ്​​റ്റാ​ഫ് കോ​ള​ജ്’ ആ​ണ്​ ദേ​ശീ​യ പ്ര​തി​രോ​ധ സ​ർ​വ​ക​ലാ​ശാ​ല​യാ​യി മാ​റ്റാ​നൊ​രു​ങ്ങു​ന്ന​ത്. കോ​ള​ജ്​ സ​ർ​വ​ക​ലാ​ശാ​ല​യാ​യി മാ​റ്റു​ന്ന​തി​നു​ള്ള പ​രി​വ​ർ​ത്ത​ന പ്ര​ക്രി​യ പ്ര​തി​രോ​ധ മ​ന്ത്രി അ​മീ​ർ ഖാ​ലി​ദ് ബി​ൻ സ​ൽ​മാ​ൻ കോ​ള​ജി​ൽ ഉ​ദ്​​ഘാ​ട​നം ചെ​യ്​​തു. ശ്ര​ദ്ധേ​യ​മാ​യ സൈ​നി​ക വീ​ക്ഷ​ണ​ത്തോ​ടെ​യാ​ണ്​ പ്ര​തി​രോ​ധ സ​ർ​വ​ക​ലാ​ശാ​ല സ്ഥാ​പി​ക്കു​ന്ന​ത്.

രാ​ജ്യ​താ​ൽ​പ​ര്യ​ങ്ങ​ൾ മെ​ച്ച​പ്പെ​ടു​ത്തു​ന്ന ഫ​ല​പ്ര​ദ​വും നൂ​ത​ന​വു​മാ​യ വി​ദ്യാ​ഭ്യാ​സ പ​രി​ശീ​ല​ന പ​രി​പാ​ടി​ക​ൾ ന​ൽ​കു​ന്ന​തി​ലൂ​ടെ 2030ഓ​ടെ ദേ​ശീ​യ സു​ര​ക്ഷ​യു​ടെ​യും പ്ര​തി​രോ​ധ മേ​ഖ​ല​യി​ലേ​യും സൈ​നി​ക, സി​വി​ലി​യ​ൻ നേ​താ​ക്ക​ളെ ത​യാ​റാ​ക്കു​ന്ന​തി​ലും യോ​ഗ്യ​രാ​ക്കു​ന്ന​തി​ലും ഫ​ല​പ്ര​ദ​വും നൂ​ത​ന​വു​മാ​യ ഒ​രു പ്രാ​ദേ​ശി​ക സ​ർ​വ​ക​ലാ​ശാ​ല​യാ​യി നി​ല​വി​ലെ കോ​ള​ജി​നെ മാ​റ്റാ​നാ​ണ്​ പ​ദ്ധ​തി.

ദേ​ശീ​യ സു​ര​ക്ഷ​യി​ൽ പ്ര​ഫ​ഷ​ന​ൽ കേ​ഡ​റു​ക​ൾ​ക്ക്​ ബി​രു​ദം നേ​ടു​ന്ന​തി​നും പ്ര​തി​രോ​ധ, ദേ​ശീ​യ സു​ര​ക്ഷ മേ​ഖ​ല​ക​ളി​ൽ ശാ​സ്ത്രീ​യ ഗ​വേ​ഷ​ണം ന​ട​ത്തു​ന്ന​തി​നും പു​റ​മെ ആ​ന്ത​രി​ക​മാ​യും ബാ​ഹ്യ​മാ​യും അ​ക്കാ​ദ​മി​ക്, പ്ര​ഫ​ഷ​ന​ൽ മി​ക​വ് കൈ​വ​രി​ക്കാ​ൻ ദേ​ശീ​യ പ്ര​തി​രോ​ധ സ​ർ​വ​ക​ലാ​ശാ​ല ല​ക്ഷ്യ​മി​ടു​ന്നു. കൂ​ടാ​തെ നി​ർ​ണാ​യ​ക​വും ത​ന്ത്ര​പ​ര​വു​മാ​യ ത​ല​ങ്ങ​ളി​ൽ തീ​രു​മാ​ന​മെ​ടു​ക്കു​ന്ന​വ​ർ​ക്ക് ബി​രു​ദം ന​ൽ​കാ​നും ദേ​ശീ​യ സു​ര​ക്ഷ മേ​ഖ​ല​യി​ൽ പ്ര​ത്യേ​ക വി​ദ്യാ​ഭ്യാ​സ, ബോ​ധ​വ​ത്ക​ര​ണ പ​രി​പാ​ടി​ക​ൾ സം​ഘ​ടി​പ്പി​ക്കാ​നും പ​ദ്ധ​തി​യു​ണ്ട്.