പ്രവാസം അവസാനിപ്പിച്ച് മടങ്ങുന്ന അഫ്‌സലിനുള്ള നവോദയയുടെ ഫലകം ഗോപി മന്ത്രവാദി നൽകുന്നു
യാംബു: പ്രവാസം അവസാനിപ്പിച്ച് മടങ്ങുന്ന മലപ്പുറം സ്വദേശി അഫ്‌സലിന് ജിദ്ദ നവോദയ യാംബു ഏരിയ കമ്മിറ്റി യാത്രയയപ്പ് നൽകി. അഞ്ചുവർഷമായി യാംബുവിലെ സ്വകാര്യകമ്പനിയിൽ ജോലി ചെയ്യുകയായിരുന്ന അഫ്സൽ. നവോദയ യാംബു ഏരിയ കമ്മിറ്റിയംഗം, നവോദയ യുവജനവേദി കൺവീനർ, അക്കീലി യൂനിറ്റ് ജീവകാരുണ്യ വിഭാഗം കൺവീനർ എന്നീ സ്ഥാനങ്ങൾ വഹിച്ചിരുന്നു.
അക്കീലി ക്യാമ്പിൽ വെച്ച് നടന്ന യാത്രയയപ്പ് യോഗത്തിൽ യാംബു നവോദയ രക്ഷാധികാരിയും ജിദ്ദ നവോദയ വൈസ് പ്രസിഡൻറുമായ ഗോപി മന്ത്രവാദി അഫ്‌സലിനുള്ള ഫലകവും ഏരിയ പ്രസിഡൻറ് കരുണാകരൻ ഉപഹാരവും നൽകി.
ഏരിയ സെക്രട്ടറി അജോ ജോർജ്, ആക്ടിങ് സെക്രട്ടറി അനീഷ് സുധാകരൻ, ട്രഷറർ സിബിൾ ബേബി, യൂനിറ്റ് ഭാരവാഹികൾ, അക്കീലി യൂനിറ്റ് അംഗങ്ങൾ എന്നിവർ ആശംസകൾ നേർന്നു സംസാരിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.