പുതിയ ഉപഭോക്തൃ സംരക്ഷണ നിയമനിർമാണം അന്തിമഘട്ടത്തിൽ -സൗദി വാണിജ്യ മന്ത്രി

റി​യാ​ദ്​: പു​തി​യ ഉ​പ​ഭോ​ക്തൃ സം​ര​ക്ഷ​ണ നി​യ​മ​നി​ർ​മാ​ണം അ​വ​സാ​ന ഘ​ട്ട​ത്തി​ലാ​ണെ​ന്ന് സൗ​ദി വാ​ണി​ജ്യ മ​ന്ത്രി ഡോ. ​മാ​ജി​ദ് അ​ൽ​ഖ​സ​ബി പ​റ​ഞ്ഞു. അ​ൽ ബാ​ഹ മേ​ഖ​ല​യി​ലെ സം​രം​ഭ​ക​ർ, നി​ക്ഷേ​പ​ക​ർ, വ്യ​വ​സാ​യി​ക​ൾ എ​ന്നി​വ​രു​മാ​യി വി​വി​ധ മേ​ഖ​ല​ക​ൾ വി​ക​സി​പ്പി​ക്കു​ന്ന​തി​നു​ള്ള നി​ർ​ദേ​ശ​ങ്ങ​ളും വെ​ല്ലു​വി​ളി​ക​ളും ച​ർ​ച്ച ചെ​യ്യു​ന്ന​തി​നാ​യി ന​ട​ത്തി​യ കൂ​ടി​ക്കാ​ഴ്ച​ക്കി​ടെ​യാ​ണ്​ മ​ന്ത്രി ഇ​ക്കാ​ര്യം പ​റ​ഞ്ഞ​ത്.

മ​ന്ത്രാ​ല​യം 110 നി​യ​മ​ങ്ങ​ളും ച​ട്ട​ങ്ങ​ളും ച​ർ​ച്ച ചെ​യ്യു​ക​യും വി​ക​സി​പ്പി​ക്കു​ക​യും ചെ​യ്യു​ന്നു​ണ്ട്. ഇ​ത് നി​ര​വ​ധി ഉ​പ​ഭോ​ക്തൃ വെ​ല്ലു​വി​ളി​ക​ളെ അ​ഭി​മു​ഖീ​ക​രി​ക്കു​മെ​ന്നും അ​ൽ​ബ​സ​ബി പ​റ​ഞ്ഞു. 2022ൽ ​രാ​ജ്യ​ത്തെ മൊ​ത്തം വ്യാ​പാ​ര​ത്തി​െൻറ എ​ട്ട്​ ശ​ത​മാ​നം വ​രു​ന്ന ഇ-​കോ​മേ​ഴ്‌​സ്​ വ​ള​ർ​ച്ച കൈ​വ​രി​ച്ചു.

2025-ഓ​ടെ ഇ-​കോ​മേ​ഴ്​​സ്​ വ​രു​മാ​നം 260 ശ​ത​കോ​ടി റി​യാ​ലി​ലെ​ത്തു​മെ​ന്ന് പ്ര​തീ​ക്ഷി​ക്കു​ന്നു. 2023ൽ ​സൗ​ദി​യി​ൽ അ​ഞ്ച്​ കോ​ടി ഇ-​കോ​മേ​ഴ്‌​സ് ഷി​പ്പ്‌​മെൻറു​ക​ൾ എ​ത്തി​യി​ട്ടു​ണ്ട്. 2022ൽ ​ഡെ​ലി​വ​റി ആ​പ്പു​ക​ൾ വ​ഴി 19 കോ​ടി ഓ​ർ​ഡ​റു​ക​ൾ ഡെ​ലി​വ​റി ചെ​യ്യ​പ്പെ​ട്ടി​ട്ടു​ണ്ടെ​ന്നും മ​ന്ത്രി പ​റ​ഞ്ഞു.