നിലമ്പൂർ കൂട്ടായ്മയുടെ പാട്ടുത്സവം മാധ്യമ പ്രവർത്തകൻ പി.ടി. അലവി ഉദ്ഘാടനം ചെയ്യുന്നു
ദമ്മാം: നിലമ്പൂർ പ്രവാസികളുടെ കൂട്ടായ്മയായ നിപാസ് വാർഷിക ഒത്തുചേരലും ജനറൽ ബോഡിയും മൂന്നാം സീസൺ പാട്ടുത്സവവും ആഘോഷിച്ചു. ഉമ്മു ശൈഖ് ജവാൻ റിസോർട്ടിൽ നടന്ന പരിപാടി പങ്കാളിത്തംകൊണ്ടും കലാ കായിക പ്രകടനങ്ങൾകൊണ്ടും മികച്ച അനുഭവമായി.
സാംസ്കാരിക സമ്മേളനം മാധ്യമപ്രവർത്തകൻ പി.ടി. അലവി ഉദ്ഘാടനം ചെയ്തു. പ്രസിഡന്‍റ് സക്കീർ അധ്യക്ഷത വഹിച്ചു. പി.എ.എം. ഹാരിസ് മുഖ്യപ്രഭാഷണം നടത്തി. അബ്ദുല്ല തൊടിക, നൗഷാദ് പോപ്പി, ഹാരിസ് പുലിക്കോട്ടിൽ, നൗഷാദ് കാളികാവ് എന്നിവർ ആശംസകൾ നേർന്നു.
ചടങ്ങിൽ ജംഷാദ്പൂർ എഫ്.സിയുടെ കളിക്കാരനും നിലമ്പൂർ സ്വദേശിയുമായ മുഹമ്മദ്‌ ഉവൈസ്, ഷാഹിദ് റഹ്മാൻ, നദീം മുഹമ്മദ്‌ എന്നിവരെയും ചടങ്ങിൽ ആദരിച്ചു. യോഗത്തിൽ സെക്രട്ടറി അഹദ് സ്വാഗതവും സജീബ് നന്ദിയും പറഞ്ഞു. തുടർന്ന് നടന്ന വാർഷിക ജനറൽ ബോഡിയിൽ സെക്രട്ടറി അഹദ് പ്രവർത്തന റിപ്പോർട്ടും ഷമീർ ചുണ്ടയിൽ വരവുചെലവ് കണക്കുകളും അവതരിപ്പിച്ചു. ഭാരവാഹികളായി ഇഫ്തിക്കർ അവതരിപ്പിച്ച പാനൽ ജനറൽബോഡി ഐകകണ്ഠ്യേന അംഗീകരിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.