അൽഅഹ്സ: ഹൃദയാഘാതത്തെ തുടർന്ന് കോട്ടയം സ്വദേശി അൽ അഹ്സയിൽ മരിച്ചു. നവയുഗം സാംസ്കാരികവേദി അൽഅഹ്സ ശോഭ യൂണിറ്റ് എക്സിക്യൂട്ടീവ് അംഗം ജെയിംസ് ജോസഫാണ് (56) മരിച്ചത്. കോട്ടയം പൊൻകുന്നം മുട്ടത്തുപാറ സ്വദേശിയാണ്. വെള്ളിയാഴ്ച രാവിലെ താമസസ്ഥലത്ത് നെഞ്ചു വേദനയുണ്ടായി കുഴഞ്ഞു വീണതിനെത്തുടർന്ന് സുഹൃത്തുക്കൾ ആശുപത്രിയിൽ എത്തിച്ചെങ്കിലും രക്ഷിക്കാനായില്ല. അവിവാഹിതനാണ്. 24 വർഷമായി അൽഅഹ്സയിലെ ശോഭയിൽ ഇലക്ട്രീഷനായി ജോലി ചെയ്യുകയായിരുന്നു. മൃതദേഹം ഹസ കിങ് ഫഹദ് ഹോസ്പിറ്റലിൽ. നവയുഗം ജീവകാരുണ്യപ്രവർത്തകരായ ഉണ്ണി ഓച്ചിറ, അബ്ദുൽ ലത്തീഫ് മൈനാഗപ്പള്ളി എന്നിവരുടെ നേതൃത്വത്തിൽ മൃതദേഹം നാട്ടിലേക്ക് കൊണ്ടുപോകാനുള്ള നടപടികൾ പൂർത്തിയായി വരുന്നു. അൽഅഹ്സയിൽ തന്നെയുള്ള ജയിംസിെൻറ സഹോദരൻ സാബു, സഹോദരിമാരുടെ ഭർത്താക്കൻമാരായ ചെറിയാൻ, ജോസഫ് എന്നിവരും സഹായത്തിനുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.