ഒ.ഐ.സി.സി ജീസാൻ യൂത്ത് വിങ് സംഘടിപ്പിച്ച ജെ.പി.എൽ ക്രിക്കറ്റ് ടൂർണമെൻറിൽ കളിക്കാരും സംഘാടകരും അതിഥികളും
ജീസാൻ: ഒ.ഐ.സി.സി ജീസാൻ സെൻട്രൽ കമ്മിറ്റിയുടെ നേതൃത്വത്തിൽ യൂത്ത് വിങ് സംഘടിപ്പിച്ച ജെ.പി.എൽ ക്രിക്കറ്റ് ടൂർണമെൻറിൽ ബൈഷ് ലയൺസ് ജേതാക്കളായി. ഐ.പി.എൽ മാതൃകയിൽ നടന്ന ക്രിക്കറ്റ് ടൂർണമെൻറ് ഒ.ഐ.സി.സി ദക്ഷിണ മേഖല പ്രസിഡന്റ് അഷ്‌റഫ് കുറ്റിച്ചൽ ഉദ്ഘാടനം ചെയ്തു. ഒ.ഐ.സി.സി ജീസാൻ സെൻട്രൽ കമ്മിറ്റി പ്രസിഡന്റ് ജൈസൺ ജോസഫ് അധ്യക്ഷത വഹിച്ചു.
ജനറൽ സെക്രട്ടറി പ്രകാശൻ നാദാപുരം മുഖ്യ പ്രഭാഷണം നടത്തി. ആറു ടീമുകൾ മാറ്റുരച്ച മത്സരത്തിൽ ടീം റാംബോസ് റണ്ണർ അപ് നേടി. ഫൈനലിൽ പരാജയം ഏറ്റുവാങ്ങിയ ടീം റാംബോസ് ക്യാപ്റ്റൻ ഉസ്മാൻ, ബൈഷ് ലയൺസ് ക്യാപ്റ്റൻ മണിക്ക് വിന്നേഴ്സ് ട്രോഫി കൈമാറി. യൂത്ത് വിങ് പ്രസിഡന്റ് ഉസ്മാൻ കൊറ്റുമ്പ സ്വാഗതവും സെക്രട്ടറി നജീബ് കല്ലറ നന്ദിയും പറഞ്ഞു. മുഹമ്മദലി, സുബൈർ, ഷാജി, താഹ, കെ.പി. റിയാസ്, ഫൈസൽ കുറ്റ്യാടി എന്നിവർ നേതൃത്വം നൽകി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.