ഒ.ഐ.സി.സി സൗദി നാഷനൽ കമ്മിറ്റിതെരഞ്ഞെടുപ്പ് വിജയം ആഘോഷിച്ചപ്പോൾ
റിയാദ്: ഒ.ഐ.സി.സി സൗദി നാഷനൽ കമ്മിറ്റി എ.ഐ.സി.സി പ്രസിഡൻറ് തെരഞ്ഞെടുപ്പ് വിജയം ആഘോഷിച്ചു. അഖിലേന്ത്യ കോൺഗ്രസ് കമ്മിറ്റിയുടെ അധ്യക്ഷനായി തെരഞ്ഞെടുക്കപ്പെട്ട മല്ലികാർജുൻ ഖാർഗെക്ക് അഭിവാദ്യങ്ങൾ അർപ്പിച്ചുകൊണ്ട് സൗദി നാഷനൽ കമ്മിറ്റിയാണ് ആഘോഷ പരിപാടി സംഘടിപ്പിച്ചത്. റിയാദ് ബത്ഹ അപ്പോളോ ഡിമോറ ഓഡിറ്റോറിയത്തിൽ പരിപാടിയോടനുബന്ധിച്ച് ലഡു വിതരണവും നടത്തി. ജനറൽ സെക്രട്ടറി സിദ്ദീഖ് കല്ലൂപ്പറമ്പൻ അധ്യക്ഷത വഹിച്ചു. യോഗം ഗ്ലോബൽ ട്രഷറർ മജീദ് ചിങ്ങോലി ഉദ്ഘാടനം ചെയ്തു.
സലീം കളക്കര, സജീർ പൂന്തുറ, അലി ആലുവ, അമീർ പട്ടണത്ത്, ബാലു കുട്ടൻ, കരീം കൊടുവള്ളി, ബനൂജ് പുലത്ത്, വിനേഷ് ഒതായി, നസീർ ആലുവ, സലീം അർത്തിയിൽ, ഷാജി മഠത്തിൽ, ഷഫീഖ് പൂരക്കുന്നിൽ, അഖിനാസ് കരുനാഗപ്പള്ളി, റഫീഖ് വെമ്പായം, നാസർ ലെയ്സ്, ഷാജഹാൻ കരുനാഗപ്പള്ളിൽ, മൊയ്തു മണ്ണാർക്കാട്, അൻസാർ ചെമ്മാട്, സലീം വാഴക്കാട് എന്നിവർ സംസാരിച്ചു. മുഹമ്മദലി മണ്ണാർക്കാട് ആമുഖ പ്രസംഗം നടത്തി. ജനറൽ സെക്രട്ടറി സത്താർ കായംകുളം സ്വാഗതവും നാഷനൽ കമ്മിറ്റി ട്രഷറർ റഹ്‌മാൻ മുനമ്പത്ത് നന്ദിയും പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.