ജിദ്ദ: സൗദിയിൽ വിവിധ മേഖലകളിൽ കഴിവുതെളിയിച്ച വിശിഷ്ട വ്യക്തികൾക്ക് പൗരത്വം നൽകാൻ സൽമാൻ രാജാവ് അനുമതി നൽകി. മികച്ച കഴിവുകളും അനുഭവ സമ്പത്തും അപൂർവ വൈദഗ്ധ്യവുമുള്ള നിരവധി വിശിഷ്ട വ്യക്തികൾക്ക് പൗരത്വം നൽകാനാണ് സൽമാൻ രാജാവ് അനുമതി നൽകിയിരിക്കുന്നത്.
വിഷൻ 2030ന് അനുസൃതമായി വികസനത്തിെൻറ മുന്നോട്ടുള്ള കുതിപ്പ് പ്രോത്സാഹിപ്പിക്കാനും വിവിധ മേഖലകളിൽ രാജ്യത്തിനു നേട്ടമുണ്ടാക്കുന്ന സംഭാവന ചെയ്യുന്നവർക്കുമാണ് പൗരത്വം നൽകുക. നിയമം, മെഡിക്കൽ, ശാസ്ത്രം, സാംസ്കാരികം, കായികം, സാങ്കേതികം എന്നീ മേഖലകളിൽ കഴിവു തെളിയിച്ചവർക്കാണ് പൗരത്വത്തിെൻറ കവാടം തുറന്നുകൊടുക്കാൻ അനുമതി നൽകിയിരിക്കുന്നതെന്ന് സൗദി പ്രസ് ഏജൻസി റിപ്പോർട്ട് ചെയ്തു.
മാനുഷിക കഴിവുകൾ നിക്ഷേപിക്കാവുന്ന ആകർഷകമായ അന്തരീക്ഷം ശക്തിപ്പെടുത്താനും വിശിഷ്ടരും സർഗാത്മക കഴിവുകളുള്ള ആളുകളെ ആകർഷിക്കാനും ലക്ഷ്യമിട്ടുള്ളതാണ് പദ്ധതി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.