അറബ് ഓണത്തിന് ഒരുക്കം തകൃതി; മണ്ണിലും മനസ്സിലും ആഘോഷം

റി​യാ​ദ്: ക​തി​ര​ണി​ഞ്ഞ വ​യ​ലു​ക​ളോ ക​ർ​ക്ക​ട​ക​പ്പെ​യ്ത്തി​ന് മു​ള​ച്ച പൂ​ക്ക​ളോ ചി​ന്നി​പ്പെ​യ്യു​ന്ന മ​ഴ​യോ ഇ​ല്ല. ഈ​ത്ത​പ്പ​ഴം പ​ഴു​ക്കാ​നു​ള്ള കൊ​ടും ചൂ​ടാ​ണ് അ​റേ​ബ്യ​യി​ലാ​കെ. എ​ന്നാ​ൽ, മ​ല​യാ​ളി​ക​ളു​ടെ ഓ​ണാ​ഘോ​ഷ​ത്തി​ന് ഈ ​പ്ര​തി​കൂ​ല സാ​ഹ​ച​ര്യ​ങ്ങ​ളൊ​ന്നും ത​ട​സ്സ​മ​ല്ല. പ്ര​വാ​സി​ക​ൾ ഓ​ണാ​ഘോ​ഷ​ത്തി​നു​ള്ള ഒ​രു​ക്ക​മെ​ല്ലാം തു​ട​ങ്ങി​ക്ക​ഴി​ഞ്ഞു.

കേ​ര​ള​ത്തി​ൽ​നി​ന്ന് അ​റേ​ബ്യ​യി​ലേ​ക്ക് ആ​ദ്യം ഓ​ണ​ത്തെ കൊ​ണ്ടു​വ​രു​ന്ന​ത് ഹൈ​പ്പ​ർ മാ​ർ​ക്ക​റ്റു​ക​ളാ​ണ്. ഓ​ണ​ക്കോ​ടി​ക്ക് ക​സ​വു​മു​ണ്ടും ക​സ​വു​സാ​രി​യും ധാ​വ​ണി കി​റ്റും എ​ത്തി​ച്ച് ആ​ഘോ​ഷ​ത്തി​​ന്റെ വ​ര​വ​റി​യി​ച്ചി​ട്ടു​ണ്ട് അ​വ​ർ. ചേ​ന​യും ചേ​മ്പും പ​ച്ച​ക്കാ​യ​യും പാ​വ​ക്ക​യും തു​ട​ങ്ങി പ​ച്ച​ക്ക​റി​ക​ളെ​ല്ലാം സൂ​പ്പ​ർ മാ​ർ​ക്ക​റ്റു​ക​ളു​ടെ റാ​ക്കു​ക​ളി​ൽ നി​ര​ന്നു​ക​ഴി​ഞ്ഞു. അ​ടു​ത്ത വാ​രാ​ന്ത്യ​ത്തോ​ടെ ഓ​ണാ​ഘോ​ഷ​ത്തി​ന് പ്ര​വാ​സ​ലോ​ക​ത്ത് ക​ള​മൊ​രു​ങ്ങും.

ഓ​ണം കേ​ര​ള​ക്ക​ര വി​ട്ടാ​ലും മ​റു​ക​ര​യി​ലെ ഗ​ൾ​ഫ്​ കേ​ര​ള​ത്തി​ൽ അ​ടു​ത്തൊ​രു ഉ​ത്സ​വ​മെ​ത്തും വ​രെ ആ​ഘോ​ഷം തു​ട​രും. തി​ര​യ​ട​ങ്ങാ​തെ അ​ല​യ​ടി​ച്ചു​കൊ​ണ്ടി​രി​ക്കും പ്ര​വാ​സി​ക​ളു​ടെ മ​ണ്ണി​ലും മ​ന​സ്സി​ലും ഓ​ണം.വി​ദ്യാ​ഭ്യാ​സ സ്ഥാ​പ​ന​ങ്ങ​ൾ, സാ​മൂ​ഹി​ക സാം​സ്കാ​രി​ക രാ​ഷ്​​ട്രീ​യ ക​ലാ​സം​ഘ​ട​ന​ക​ൾ, വ്യാ​പാ​ര സ്ഥാ​പ​ന​ങ്ങ​ൾ തു​ട​ങ്ങി മ​ല​യാ​ളി സ്പ​ർ​ശ​മു​ള്ളി​ട​ങ്ങ​ളി​ലെ​ല്ലാം ഓ​ണ​പ്പൂ​ക്ക​ള​വും വി​ഭ​വ​സ​മൃ​ദ്ധ​മാ​യ സ​ദ്യ​യു​മൊ​രു​ക്കി ഓ​ണാ​ഘോ​ഷ​മു​ണ്ടാ​കും.

ഐ​ക്യ​ത്തി​​ന്റെ പൂ​മ്പൊ​ടി പാ​റു​ന്ന ഓ​ണ​ത്തി​ന് പ്ര​വാ​സ​ലോ​ക​ത്ത് മ​ല​യാ​ളി​ക​ൾ മാ​ത്ര​മ​ല്ല പ​ങ്കാ​ളി​ക​ളാ​കു​ന്ന​ത്. ലോ​ക​ത്തി​​ന്റെ വി​വി​ധ കോ​ണു​ക​ളി​ൽ​നി​ന്നെ​ത്തി​യ വ്യ​ത്യ​സ്ത ദേ​ശ​ക്കാ​രും ഇ​ന്ത്യ​യി​ലെ വി​വി​ധ സം​സ്ഥാ​ന​ക്കാ​രും ആ​ഘോ​ഷ​ങ്ങ​ൾ​ക്ക് പൊ​ലി​വേ​റ്റാ​ൻ ക​ള​ത്തി​ലി​റ​ങ്ങും.ഓ​ണം എ​ന്നാ​യാ​ലും വാ​രാ​ന്ത്യ അ​വ​ധി​യി​ലാ​ണ് ഓ​ണാ​ഘോ​ഷം ഗ​ൾ​ഫ് നാ​ടു​ക​ളി​ൽ സ​ജീ​വ​മാ​കു​ന്ന​ത്. നേ​ര​ത്തെ​ത​ന്നെ റ​സ്​​റ്റാ​റ​ന്റു​ക​ളും ഹോ​ട്ട​ലു​ക​ളും ഇ​സ്തി​റാ​ഹ​ക​ളും (ക​ല്യാ​ണ മ​ണ്ഡ​പ​ങ്ങ​ൾ) ഇ​തി​നാ​യി ബു​ക്ക് ചെ​യ്യും.

പൂ​ക്ക​ള മ​ത്സ​ര​വും പു​ലി​ക​ളി​യും ക​ലാ​പ്ര​ക​ട​ന​ങ്ങ​ളും മാ​വേ​ലി​യും എ​ല്ലാം കേ​ര​ള​ത്തേ​ക്കാ​ൾ കേ​മ​മാ​ണ് അ​റേ​ബ്യ​യി​ലെ ഓ​ണോ​ത്സ​വ​ങ്ങ​ളി​ൽ. വീ​ട്ടി​ൽ സ​ദ്യ​യൊ​രു​ക്കി സു​ഹൃ​ത്തു​ക്ക​ളെ​യും സ​ഹ​പ്ര​വ​ർ​ത്ത​ക​രെ​യും ക്ഷ​ണി​ച്ച് ഓ​ണം ആ​ഘോ​ഷി​ക്കു​ന്ന​വ​രും കു​റ​വ​ല്ല. അ​റ​ബി​ക​ളു​ടെ കേ​ര​ള​ത്തി​ലേ​ക്കു​ള്ള വി​നോ​ദ​യാ​ത്ര പെ​രു​കി​യ​തും സോ​ഷ്യ​ൽ മീ​ഡി​യ​യു​ടെ സ്വാ​ധീ​ന​വും കാ​ര​ണം ഓ​ണാ​ഘോ​ഷ​ത്തി​​ന്റെ ഉ​ള്ള​ട​ക്കം അ​റ​ബി​ക​ൾ​ക്കും സു​പ​രി​ചി​ത​മാ​ണി​പ്പോ​ൾ. സൗ​ഹൃ​ദ​ത്തി​​ന്റെ​യും ഐ​ക്യ​ത്തി​​ന്റെ​യും ആ​ഘോ​ഷ​മാ​യ ഓ​ണ​ത്തി​ന്​ സ​ദ്യ​യു​ണ്ണാ​ൻ മ​ല​യാ​ളി​ക​ൾ​ക്കൊ​പ്പം ഇ​ല​യി​ട്ടി​രി​ക്കു​ന്ന​വ​രി​ൽ അ​റ​ബി​ക​ളു​മു​ണ്ട്.