ജിദ്ദ: സൗദി അറേബ്യയിൽ സ്ത്രീകൾക്ക് ഡ്രൈവിങ് ലൈസൻസ് അനുവദിക്കാൻ സൽമാൻ രാജാവിെൻറ നിർദേശം. അടുത്ത ശവ്വാൽ മാസം പത്ത് മുതലാണ് ലൈസൻസ് അനുവദിക്കുക. സൗദി ഉന്നതസഭയുടെ നിർദേശത്തിെൻറ അടിസ്ഥാനത്തിലാണ് രാജാവ് ആഭ്യന്തരമന്ത്രാലയത്തിന് ഇതു സംബന്ധിച്ച ഉത്തരവ് നൽകിയത്. സ്ത്രീകളുടെ സുരക്ഷയും രാജ്യത്തിെൻറ പുതിയ സാഹചര്യങ്ങളും പരിഗണിച്ചാണ് ഉത്തരവ്.
ഇസ്ലാമിക ശരീഅത്ത് നിയമമനുസരിച്ച് സ്ത്രീകൾക്ക് അടിസ്ഥാനപരമായി വാഹനമോടിക്കുന്നതിന് വിലക്കില്ല. എന്നാൽ മുൻ കരുതൽ എന്ന നിലക്കായിരുന്നു വിലക്ക് ഏർപെടുത്തിയിരുന്നത്. വിലക്ക് ഇനി തുടരേണ്ടതില്ലെന്നാണ് ഉന്നതസഭയിലെ ഭൂരിപക്ഷം പണ്ഡിതൻമാരുടെയും അഭിപ്രായം.
ആഭ്യന്തര, ധനകാര്യ മന്ത്രാലയം, തൊഴിൽ^സാമൂഹികക്ഷേമ മന്ത്രാലയം എന്നിവയടങ്ങിയ കമ്മിറ്റി മുപ്പത് ദിവസത്തിനകം വിഷയം പഠിച്ച് പദ്ധതി നടപ്പാക്കുന്നതിനെ കുറിച്ച് നിർദേശം നൽകണം. ചൊവ്വാഴ്ച രാത്രി വൈകിയാണ് സൽമാൻ രാജാവിെൻറ ചരിത്രപരമായ ഉത്തരവ് പുറത്ത് വന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.