സൗ​ദി​യി​ൽ വി​ദേ​ശ​നി​ക്ഷേ​പം മൂന്നി​ര​ട്ടി​യാ​യി

റി​യാ​ദ്​: സൗ​ദി അ​റേ​ബ്യ​യി​ൽ വി​ദേ​ശ​നി​ക്ഷേ​പം മൂ​ന്ന്​ മ​ട​ങ്ങ് വ​ർ​ധി​പ്പി​ക്കു​ക​യും 1200 നി​ക്ഷേ​പ​ക​ർ​ക്ക് പ്രീ​മി​യം ഇ​ഖാ​മ അ​നു​വ​ദി​ക്കു​ക​യും ചെ​യ്ത​താ​യി നി​ക്ഷേ​പ മ​​ന്ത്രി ഖാ​ലി​ദ്​ അ​ൽ​ഫാ​ലി​ഹ്​ പ​റ​ഞ്ഞു. റി​യാ​ദി​ൽ 28ാമ​ത് അ​ന്താ​രാ​ഷ്​​ട്ര നി​ക്ഷേ​പ സ​മ്മേ​ള​ന​ത്തി​​ന്റെ (ഡ​ബ്ല്യു.​ഐ.​സി) ഉ​ദ്ഘാ​ട​ന പ്ര​സം​ഗ​ത്തി​ലാ​ണ്​ മ​ന്ത്രി ഇ​ക്കാ​ര്യം പ​റ​ഞ്ഞ​ത്. ബി​സി​ന​സു​കാ​ർ പ്രീ​മി​യം ഇ​ഖാ​മ നേ​ടു​ന്ന​ത്​ നി​ക്ഷേ​പ​ങ്ങ​ൾ ആ​ക​ർ​ഷി​ക്കു​ന്ന​തി​ന്റെ പ്രാ​യോ​ഗി​ക പ്ര​ക​ട​ന​മാ​ണ്. നി​ക്ഷേ​പ​ങ്ങ​ൾ പ്രോ​ത്സാ​ഹി​പ്പി​ക്കു​ന്ന​തി​നും അ​തി​​ന്റെ കാ​ര്യ​ങ്ങ​ൾ ശ​രി​യാ​യി ചെ​യ്യു​ന്ന​തി​നാ​ലും സൗ​ദി ഒ​രു വി​ജ​യ​ക​ര​മാ​യ ഘ​ട്ട​ത്തി​ലാ​ണ്​.

സ​മീ​പ വ​ർ​ഷ​ങ്ങ​ളി​ൽ സാ​ക്ഷ്യം വ​ഹി​ച്ച പ്ര​ധാ​ന പ​രി​വ​ർ​ത്ത​ന​ങ്ങ​ളു​ടെ വെ​ളി​ച്ച​ത്തി​ൽ രാ​ജ്യം വ്യ​ക്ത​മാ​യ ഫ​ല​ങ്ങ​ൾ കൈ​വ​രി​ച്ചു​വെ​ന്ന്​ ത​ന്നെ പ​റ​യാം. എ​ല്ലാ നി​ക്ഷേ​പ സാ​ധ്യ​ത​ക​ളും പ്ര​യോ​ജ​ന​പ്പെ​ടു​ത്താ​നാ​യാ​ണ്​ രാ​ജ്യം പ്ര​വ​ർ​ത്തി​ക്കു​ന്ന​ത്. ‘വി​ഷ​ൻ 2030’ ആ​രം​ഭി​ച്ച​തി​ന് ശേ​ഷം മൊ​ത്ത ആ​ഭ്യ​ന്ത​ര ഉ​ൽ​പ്പാ​ദ​നം 70 ശ​ത​മാ​നം വ​ർ​ധി​ച്ച് 1.1 ല​ക്ഷം കോ​ടി ഡോ​ള​റി​ലെ​ത്തി​യ​താ​യി മ​​ന്ത്രി വി​ശ​ദീ​ക​രി​ച്ചു.

വി​ഷ​ൻ ആ​രം​ഭി​ക്കു​ന്ന​തി​ന് മു​മ്പു​ള്ള​തി​നെ അ​പേ​ക്ഷി​ച്ച് വി​ദേ​ശ നി​ക്ഷേ​പ​ങ്ങ​ളും മൂ​ന്നി​ര​ട്ടി​യി​ല​ധി​കം വ​ർ​ധി​ച്ചു. രാ​ജ്യ​ത്ത് ര​ജി​സ്​​റ്റ​ർ ചെ​യ്ത നി​ക്ഷേ​പ​ക​രു​ടെ എ​ണ്ണം 2016 മു​ത​ൽ പ​ത്തി​ര​ട്ടി​യാ​യി. സൗ​ദി​യു​ടെ പ്രാ​ദേ​ശി​ക പ​ങ്ക് വ​ർ​ധി​ച്ചു​കൊ​ണ്ടി​രി​ക്കു​ക​യാ​ണെ​ന്നും സ​മ​ഗ്ര​വും ച​രി​ത്ര​പ​ര​വു​മാ​യ ഈ ​പ​രി​വ​ർ​ത്ത​ന​ത്തി​ലൂ​ടെ ‘വി​ഷ​ൻ 2030’ന്റെ ​കു​ട​ക്കീ​ഴി​ൽ കൂ​ടു​ത​ൽ നേ​ട്ട​ങ്ങ​ൾ കൈ​വ​രി​ക്കു​മെ​ന്നും മ​ന്ത്രി പ​റ​ഞ്ഞു.1200ല​ധി​കം നി​ക്ഷേ​പ​ക​ർ​ക്ക് ഇ​തി​ന​കം പ്രീ​മി​യം ഇ​ഖാ​മ അ​നു​വ​ദി​ച്ചു. അ​വ​ർ സ്വ​ന്തം രാ​ജ്യ​ത്ത് എ​ന്ന​പോ​ലെ ഇ​വി​ടെ ജോ​ലി ചെ​യ്യു​ന്നു.

വി​ദേ​ശ പ്ര​തി​ഭ​ക​ളെ​യും നി​ക്ഷേ​പ​ക​രെ​യും വീ​ണ്ടും രാ​ജ്യ​ത്തേ​ക്ക് സ്വാ​ഗ​തം ചെ​യ്യു​ന്നു. വ​രും വ​ർ​ഷ​ങ്ങ​ളി​ൽ ലോ​ക​ത്തി​ലെ നി​ക്ഷേ​പ​മേ​ഖ​ല​യെ പു​ന​ർ​നി​ർ​മി​ക്കു​ന്ന നാ​ല് നി​ർ​ണാ​യ​ക ഘ​ട​ക​ങ്ങ​ളി​ലേ​ക്കും മ​ന്ത്രി സൂ​ച​ന ന​ൽ​കി. 25 നി​ക്ഷേ​പ മ​ന്ത്രി​മാ​രും 60 ല​ധി​കം അ​ന്താ​രാ​ഷ്​​ട്ര നി​ക്ഷേ​പ ഏ​ജ​ൻ​സി​ക​ളും സ​മ്മേ​ള​ന​ത്തി​ൽ പ​​​ങ്കെ​ടു​ത്തു.