ജിദ്ദ: സൗദിയിൽ നിലവിൽ ചികിത്സയിലുള്ള കോവിഡ് രോഗികളുടെ എണ്ണം 9,404 ആയി കുറഞ്ഞു. ഇവരിൽ 1,387 പേർ ഗുരുതരാവസ്ഥയിലാണ്. ഇന്ന് 766 പുതിയ കേസുകൾ റിപ്പോർട്ട് ചെയ്തപ്പോൾ രോഗമുക്തരായവർ 1,532 ആയി ഉയർന്നു. ഇതോടെ രാജ്യത്താകെ കോവിഡ് ബാധിച്ചവരുടെ എണ്ണം 5,36,693 ഉം രോഗമുക്തി നേടിയവരുടെ എണ്ണം 5,18,911 ഉം ആയി.
12 രോഗികളാണ് ഇന്ന് മരിച്ചത്. ഇതോടെ രാജ്യത്തെ ആകെ മരണം 8,378 ആയി. രാജ്യത്തെ കോവിഡ് മുക്തി നിരക്ക് 96.68 ശതമാനവും മരണനിരക്ക് 1.56 ശതമാനവുമാണ്.
വിവിധ പ്രവിശ്യകളിൽ പുതുതായി റിപ്പോർട്ട് ചെയ്ത രോഗികളുടെ എണ്ണം: റിയാദ് 107, മക്ക 147, കിഴക്കൻ പ്രവിശ്യ 111, അസീർ 86, അൽ ഖസീം 54, ജീസാൻ 72, മദീന 47, നജ്റാൻ 35, ഹായിൽ 31, അൽബാഹ 17, തബൂക്ക് 19, വടക്കൻ അതിർത്തി മേഖല 14, അൽ ജൗഫ് 11. ഇതുവരെ രാജ്യത്ത് 3,10,03,249 ഡോസ് കോവിഡ് വാക്സിൻ വിതരണം നടത്തിയതായി സൗദി ആരോഗ്യ മന്ത്രാലയം അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.