സൗദി നാഷനൽ ഗെയിംസ് ക്രിക്കറ്റ് മത്സരത്തിൽ പങ്കെടുക്കുന്ന ജെ.എസ്.ഇ ക്രിക്കറ്റ് അക്കാദമി പെൺകുട്ടികളുടെ ടീം ഒഫിഷ്യൽസിനോടൊപ്പം
ജിദ്ദ: സൗദി നാഷനൽ ഗെയിംസിലെ പെൺകുട്ടികളുടെ ക്രിക്കറ്റ് മത്സരത്തിൽ ജിദ്ദയിലെ ജെ.എസ്.ഇ ക്രിക്കറ്റ് അക്കാദമിയിൽ നിന്നുള്ള ടീം പങ്കെടുക്കുന്നു. ഇതാദ്യമായാണ് പ്രവാസി കുട്ടികൾക്ക് സൗദിയിലെ ഏറ്റവും വലിയ കായിക പരിപാടിയായ സൗദി നാഷനൽ ഗെയിംസ് മത്സരത്തിൽ പങ്കെടുക്കാനുള്ള അവസരം ലഭിക്കുന്നതെന്ന് അക്കാദമി അധികൃതർ അറിയിച്ചു.
സൗദി ക്രിക്കറ്റ് ഫെഡറേഷനുമായി സഹകരിച്ച് കുട്ടികൾക്ക് കൃത്യമായ പരിശീലനം നൽകുന്ന സ്ഥാപനമായ ജെ.എസ്.ഇ ക്രിക്കറ്റ് അക്കാദമിയിൽനിന്നുള്ള പെൺകുട്ടികൾക്ക് ഇങ്ങനെയൊരു അംഗീകാരം ലഭിച്ചത് ഭാഗ്യവും അഭിമാനവുമാണെന്നും അവർ കൂട്ടിച്ചേർത്തു.
സൗദി നാഷനൽ ഗെയിംസ് രാജ്യത്തെ ഏറ്റവും മികച്ച അത്‌ലറ്റുകളെ ഉയർത്തി കൊണ്ടുവരുന്ന പ്രധാന വേദിയാണ്. ക്രിക്കറ്റ് സൗദിയിൽ അതിവേഗം വളരുന്ന കായികയിനങ്ങളിൽ ഒന്നായതുകൊണ്ടാണ് ഗെയിംസിൽ ഉൾപ്പെടുത്തിയിരിക്കുന്നത്. ജെ.എസ്.ഇ ക്രിക്കറ്റ് അക്കാദമിയിൽ നിന്നുള്ള മലയാളികൾ ഉൾപ്പെടെയുള്ള പെൺകുട്ടികളുടെ ടീം, ഈ മാസം ഒമ്പത്, പത്ത് തീയതികളിൽ റിയാദിൽ മത്സരിക്കും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.