ദമ്മാം: ലോക് ഡൗണിെൻറ ആലസ്യത്തിൽപ്പെട്ട കൊച്ചുകുട്ടികളുടെ വിരസതയകറ്റാൻ മലർവാടി ദമ്മാം ഘടകം ‘ക്വാറൻറീൻ കളേഴ്സ്’എന്ന പരിപാടി സംഘടിപ്പിച്ചു. ഓൺലൈനിൽ നടന്ന പരിപാടിയിൽ 150ഓളം കുട്ടികൾ പങ്കെടുത്തു. മലർവാടി സ്റ്റേറ്റ് കൗൺസിൽ അംഗവും മലർവാടി ചിൽഡ്രൻസ് തിയറ്റർ മുൻ സ്റ്റേറ്റ് കൺവീനറുമായ അൻസാർ നെടുമ്പാശ്ശേരി കുട്ടികളുമായി പാട്ട്, കഥകൾ, കളികൾ എന്നിവയിലൂടെ സംവാദം നടത്തി.
എട്ട് ജി.ബി (ചിൽഡ്രൻസ് ഫിലിം), കിലുകിലൂസ് (മ്യൂസിക് ആൽബം) എന്നീ ഹ്രസ്വചിത്രങ്ങളിലൂടെ ശ്രദ്ധേയനായ കലാകാരനാണ് അൻസാർ നെടുമ്പാശ്ശേരി. അൻസം ഹമദാനി പ്രാർഥന ചൊല്ലി. ഇവ മരിയ റോയ്, ഇസ മൻവ, ആഹിൽ മുഹമ്മദ്, ഇസ എന്നിവർ ഗാനങ്ങൾ ആലപിച്ചു. അഫ്നാൻ ഹമദാനി, ഇഷ്യ ഷക്കീർ എന്നിവർ കഥ പറഞ്ഞു. മലർവാടി ദമ്മാം സോണൽ ടീം ലീഡർ മുഹമ്മദ് റഫീഖ്, കോഒാഡിനേറ്റർമാരായ മഹ്ബൂബ്, നജ്‌ല സാദത്ത്, റിസോഴ്സ് പേഴ്സൺമാരായ അഷ്കർ ഗനി, നബീൽ, അനീസ മെഹബൂബ്, റുക്സാന അഷീൽ, മുഫീദ സ്വാലിഹ്, സജ്ന ഷക്കീർ, വി.എം. അർഷദ് എന്നിവർ പരിപാടികൾ നിയന്ത്രിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.