ഷാ​ജ​ഹാ​ൻ മ​ട​ങ്ങു​ന്നു; രോ​ഗ​ങ്ങ​ളു​ടെ ക​ന​ൽ​ച്ചു​മ​ടു​മാ​യി

ദ​മ്മാം: മൂ​ന്ന​ര പ​തി​റ്റാ​ണ്ട്​ പ്ര​വാ​സ​ഭൂ​മി​യി​ൽ ഉ​പ​ജീ​വ​ന​ത്തി​നാ​യി കെ​ട്ടി​യ വേ​ഷ​ങ്ങ​ളെ​ല്ലാം അ​ഴി​ച്ചു​വെ​ച്ച്​ ഷാ​ജ​ഹാ​ൻ മ​ട​ങ്ങു​ക​യാ​ണ്. രോ​ഗ​ങ്ങ​ളു​ടെ ചു​മ​ടു​മാ​ത്രം മി​ച്ച​മാ​യ ജീ​വി​തം ഇ​നി​യെ​ങ്ങ​നെ ത​ള്ളി​നീ​ക്കു​മെ​ന്ന​റി​യാ​തെ ഉ​ഴ​ലു​ക​യാ​ണ്​ തി​രു​വ​ന​ന്ത​പു​രം ജി​ല്ല​യി​ലെ പെ​രി​ങ്ങ​മ്മ​ല, പൊ​ട്ട​ൻ​കു​ന്ന്​ അ​മീ​ർ മ​ൻ​സി​ലി​ൽ ഷാ​ജ​ഹാ​ൻ (61). സ്​​പോ​ൺ​സ​ർ​ഷി​പ്​ മാ​റാ​ൻ പ​ണം വാ​ങ്ങി​യ സ്വ​ദേ​ശി​യു​ടെ ച​തി​യി​ൽ​പെ​ട്ട്​ 'ഹു​റൂ​ബ്' കേ​സി​ലാ​യ ഇ​യാ​ൾ​ക്ക്​ സ​ർ​വ സ​മ്പാ​ദ്യ​വും ന​ഷ്​​ട​മാ​യി.

റ​സ്റ്റാ​റ​ന്റി​ലെ സ​​​പ്ല​യ​ർ, ബു​ഫി​യ തൊ​ഴി​ലാ​ളി, അ​പ്​​ഹോ​ൾ​സ്​​റ്റ​റി ക​ട​യി​ലെ ജീ​വ​ന​ക്കാ​ര​ൻ, ബ​ഖാ​ല​യി​ലെ തൊ​ഴി​ലാ​ളി, ബ​ഖാ​ല ഉ​ട​മ ഇ​ങ്ങ​നെ വി​വി​ധ ജോ​ലി​ക​ളാ​ണ്​ 35 വ​ർ​ഷ​ത്തി​നു​ള്ളി​ൽ ചെ​യ്​​തു തീ​ർ​ത്ത​ത്. ദ​മ്മാം ദ​ല്ല​യി​ലെ ഒ​രു ബ​ഖാ​ല​യി​ൽ 10 വ​ർ​ഷ​മാ​യി തൊ​ഴി​ലാ​ളി​യാ​യി​രി​ക്കെ​യാ​ണ് ജീ​വി​ത​ത്തി​ൽ വ​ഴി​ത്തി​രി​വു​ണ്ടാ​കു​ന്ന​ത്. ബ​ഖാ​ല​യു​ടെ ന​ട​ത്തി​പ്പു​കാ​ര​ൻ നാ​ട്ടി​ൽ​ പോ​യ​പ്പോ​ൾ ജീ​വ​ന​ക്കാ​ര​നാ​യ ഷാ​ജ​ഹാ​ന് ക​ട വി​ൽ​ക്കു​ക​യാ​യി​രു​ന്നു. ന​ല്ല​രീ​തി​യി​ൽ ഷാ​ജ​ഹാ​ൻ അ​ത് ന​ട​ത്തു​ന്ന​തി​നി​ട​യി​ലാ​ണ്​ നി​താ​ഖാ​ത്​ നി​യ​മ​ങ്ങ​ൾ വി​ല്ല​നാ​കു​ന്ന​ത്.

അ​തോ​ടെ, താ​ളം തെ​റ്റി​ത്തു​ട​ങ്ങി. പ​ണം ത​രാ​നു​ള്ള നി​ര​വ​ധി പേ​ർ നാ​ട്ടി​ലേ​ക്ക്​ ഒ​ളി​ച്ചു​പോ​യി. ക​ട​ബാ​ധ്യ​ത​ക​ൾ കൂ​ടി​വ​ന്നു. 16 മാ​സം​ മു​മ്പ്​ പു​തി​യ സ്​​പോ​ൺ​സ​റെ ക​ണ്ടെ​ത്തി സ്​​പോ​ൺ​സ​ർ​ഷി​പ്​ മാ​റു​ന്ന​തി​നു​ള്ള ന​ട​പ​ടി​ക​ൾ സ്വീ​ക​രി​ച്ചു. എ​ന്നാ​ൽ, ആ ​ശ്ര​മ​വും അ​ന​ന്ത​മാ​യി നീ​ണ്ടു​പോ​യ​ത​ല്ലാ​തെ ഒ​ന്നും സം​ഭ​വി​ച്ചി​ല്ല. ഒ​ടു​വി​ൽ ഖ​ത്വീ​ഫി​ലു​ള്ള ഓ​ഫി​സി​ലേ​ക്ക്​ വി​ളി​ച്ചു​വ​രു​ത്തി​യ സ്​​പോ​ൺ​സ​ർ ഇ​ദ്ദേ​ഹ​ത്തെ പൊ​ലീ​സി​ന്​ കൈ​മാ​റി. അ​പ്പോ​ഴാ​ണ്​ താ​ൻ ഒ​ളി​ച്ചോ​ടി​യെ​ന്ന കേ​സാ​യ 'ഹു​റൂ​ബി'​ൽ പെ​ട്ടി​രി​ക്കു​ക​യാ​ണെ​ന്ന വി​വ​രം ഷാ​ജ​ഹാ​ൻ അ​റി​യു​ന്ന​ത്. എ​ന്നാ​ൽ ത​ന്റെ നി​ര​പ​രാ​ധി​ത്വം പ​റ​ഞ്ഞ​തോ​ടെ പൊ​ലീ​സ്​ വി​ട്ട​യ​ച്ചു. പി​റ്റേ​ദി​വ​സം ത​ന്നെ ക​ട​യി​ൽ സ്​​പോ​ൺ​സ​ർ പു​തി​യ ആ​ളു​ക​ളെ കൊ​ണ്ടി​രു​ത്തി പി​ടി​ച്ചെ​ടു​ക്കു​ക​യും ചെ​യ്​​തു. ഇ​തി​ന്റെ വി​ല ന​ൽ​കാം എ​ന്ന വാ​ഗ്​​ദാ​നം ഇ​തു​വ​രെ പാ​ലി​ക്ക​പ്പെ​ട്ടു​മി​ല്ല. ഇ​നി അ​ത്​ കി​ട്ടു​മെ​ന്ന പ്ര​തീ​ക്ഷ ഇ​ല്ലാ​താ​യ​തോ​ടെ തി​രി​കെ മ​ട​ങ്ങാ​നു​ള്ള ഒ​രു​ക്ക​ത്തി​ലാ​ണ്​ ഷാ​ജ​ഹാ​ൻ.

പ്ര​മേ​ഹ​വും ര​ക്ത​സ​മ്മ​ർ​ദ​വും കി​ത​പ്പും ​ശ്വാ​സം​മു​ട്ട​ലു​മു​ൾ​പ്പെ​ടെ അ​സു​ഖ​ങ്ങ​ൾ കൂ​ടെ​യു​ണ്ട്. പ്രാ​യ​മാ​യ മാ​താ​പി​താ​ക്ക​ൾ ഇ​ദ്ദേ​ഹ​ത്തോ​ടൊ​പ്പ​മാ​ണ്. പി​താ​വ് ഇ​സ്​​മാ​ഈ​ലി​നും ഉ​മ്മ ഷെ​റീ​ന ബീ​വി​ക്കും 80 വ​യ​സ്സി​ലേ​റെ പ്രാ​യ​മു​ണ്ട്. മാ​സം 14,000 രൂ​പ​യു​ടെ മ​രു​ന്നു​മാ​ത്രം ഇ​വ​ർ​ക്കാ​യി വേ​ണ​മെ​ന്ന്​ ഷാ​ജ​ഹാ​ൻ പ​റ​യു​ന്നു. ഏ​റെ വൈ​കി​ക്കി​ട്ടി​യ മ​ക​ന്​ 11 വ​യ​സ്സാ​യ​തേ​യു​ള്ളൂ. ആ​കെ​യു​ള്ള 10 സെൻറ്​ സ്ഥ​ല​വും വീ​ടും ക​ട​ത്തി​ലാ​ണ്. നാ​ട്ടി​ൽ ഭാ​ര്യ ഷാ​മി​ല ബീ​വി​യും മ​ക​ൻ അ​മീ​റും ഷാ​ജ​ഹാ​ന്റെ വ​ര​വും കാ​ത്തി​രി​ക്കു​ക​യാ​ണ്.