മൂ​ന്നാം ത​വ​ണ​യും സ്വ​ർ​ണ​നേ​ട്ടം പ്ര​തീ​ക്ഷി​ച്ച്​ ഖ​ദീ​ജ നി​സ

റി​യാ​ദ്​: മു​മ്പ്​ ര​ണ്ട്​ ത​വ​ണ​യും ദേ​ശീ​യ ഗെ​യിം​സി​ൽ സിം​ഗ്ൾ ബാ​ഡ്മി​ൻ​റ​ണി​ൽ സ്വ​ർ​ണം കൊ​യ്ത മ​ല​യാ​ളി താ​രം ഖ​ദീ​ജ നി​സ ഇ​ത്ത​വ​ണ​യും പോ​രി​നി​റ​ങ്ങു​ന്നു. നി​ര​വ​ധി അ​ന്താ​രാ​ഷ്ട്ര മ​ത്സ​ര​ങ്ങ​ളി​ൽ ഉ​ൾ​പ്പ​ടെ വി​ജ​യം നേ​ടി​യ ക​രു​ത്തു​മാ​യാ​ണ് ഈ 18 ​കാ​രി ഇ​ത്ത​വ​ണ ക​ള​ത്തി​ലി​റ​ങ്ങു​ന്ന​ത്. 2022ൽ ​ആ​ദ്യ സൗ​ദി ദേ​ശീ​യ ഗെ​യിം​സി​ൽ സ്വ​ർ​ണം നേ​ടി തു​ട​ങ്ങി​യ​താ​ണ്​ ഈ ​കോ​ഴി​ക്കോ​ട്​ കൊ​ടു​വ​ള്ളി​ക്കാ​രി.

ത​ന്നേ​ക്കാ​ൾ മു​തി​ർ​ന്ന താ​ര​ങ്ങ​ളെ നി​ലം പ​രി​ശാ​ക്കി​യാ​ണ് അ​ന്ന്​ 16 മാ​ത്രം പ്രാ​യ​മു​ണ്ടാ​യി​രു​ന്ന ഈ ​മി​ടു​ക്കി ആ​ദ്യ സ്വ​ർ​ണ​കി​രീ​ടം ചൂ​ടി​യ​ത്. 10 ല​ക്ഷം റി​യാ​ലാ​ണ് അ​ന്ന് ഖ​ദീ​ജ നി​സ​ക്ക് സ​മ്മാ​ന​മാ​യി ല​ഭി​ച്ച​ത്. 2023ൽ ​ര​ണ്ടാം ദേ​ശീ​യ ഗെ​യിം​സി​ലും ഖ​ദീ​ജ നി​സ ച​രി​​ത്രം ആ​വ​ർ​ത്തി​ച്ചു. റി​യാ​ദ്​ സ്​​പോ​ർ​ട്​​സ്​ ക്ല​ബി​​നെ പ്ര​തി​നി​ധീ​ക​രി​ച്ച് 2022ൽ ​തു​ട​ങ്ങി​യ ഖ​ദീ​ജ നി​സ ​ഇ​ത്ത​വ​ണ ഇ​ത്തി​ഹാ​ദ് ക്ല​ബി​ന് വേ​ണ്ടി​യാ​ണ് ബാ​ഡ്​​മി​ൻ​റ​ൺ സീ​നി​യ​ർ സിം​ഗ്ൾ​സി​ൽ പോ​രാ​ടാ​നി​റ​ങ്ങു​ന്ന​ത്. ദേ​ശീ​യ ഗെ​യിം​സ് ഔ​ദ്യോ​ഗി​ക​മാ​യി ഒ​ക്ടോ​ബ​ർ മൂ​ന്നാ​ണ് ആ​രം​ഭി​ക്കു​ന്ന​തെ​ങ്കി​ലും ബാ​ഡ്​​മി​ൻ​റ​ൺ ഒ​ന്നാം തീ​യ​തി ആ​രം​ഭി​ക്കും. സീ​നി​യേ​ഴ്​​സ്​ വി​ഭാ​ഗ​ത്തി​ലി​റ​ങ്ങു​ന്ന ഖ​ദീ​ജ നി​സ​യു​ടെ ആ​ദ്യ മ​ത്സ​രം ഒ​ക്​​ടോ​ബ​ർ ഒ​ന്നി​ന്​ രാ​വി​ലെ ഒ​മ്പ​തി​നാ​ണ്.

സീ​നി​യേ​ഴ്സി​ൽ മ​ത്സ​രം ക​ടു​ത്ത​താ​കാം പ​രി​ച​യ​സ​മ്പ​ന്ന​രാ​യ ക​ളി​ക്കാ​രു​മാ​യാ​ണ് ഏ​റ്റു​മു​ട്ടാ​നു​ള്ള​ത്. പ​ക്ഷെ, എ​തി​രാ​ളി ആ​രെ​ന്ന് നോ​ക്കാ​തെ പോ​രാ​ടാ​നാ​ണ് തീ​രു​മാ​ന​മെ​ന്ന്​ ഖ​ദീ​ജ നി​സ ‘ഗ​ൾ​ഫ് മാ​ധ്യ​മ’​ത്തോ​ട് പ​റ​ഞ്ഞു. നാ​ലാം തീ​യ​തി​യാ​ണ് ഫൈ​ന​ൽ.

സൗ​ദി ഗെ​യിം​സി​ലെ തു​ട​ർ​ച്ച​യാ​യ സ്വ​ര്‍ണ​നേ​ട്ട​ത്തി​ന്​ പി​റ​കെ നി​ര​വ​ധി പ്രാ​ദേ​ശി​ക അ​ന്ത​ർ​ദേ​ശീ​യ മ​ത്സ​ര​ങ്ങ​ളി​ൽ സൗ​ദി അ​​റേ​ബ്യ​യെ പ്ര​തി​നി​ധീ​ക​രി​ച്ച്​ വി​ജ​യ​ങ്ങ​ൾ നേ​ടി​യി​രു​ന്നു. സൗ​ദി ദേ​ശീ​യ ഗെ​യിം​സി​ൽ ര​ണ്ട് ത​വ​ണ സ്വ​ർ​ണം നേ​ടി​യ ഖ​ദീ​ജ നി​സ സൗ​ദി അ​റേ​ബ്യ​ക്കാ​യി ക​ഴി​ഞ്ഞ വ​ർ​ഷം എ​ട്ടി​ല​ധി​കം രാ​ജ്യാ​ന്ത​ര മ​ത്സ​ര​ങ്ങ​ളി​ൽ പ​​ങ്കെ​ടു​ത്ത് ര​ണ്ട് സ്വ​ർ​ണ​മു​ൾ​പ്പെ​ടെ 10 മെ​ഡ​ലു​ക​ൾ നേ​ടി​യി​രു​ന്നു. 15 രാ​ജ്യ​ങ്ങ​ൾ പ​​ങ്കെ​ടു​ത്ത അ​റ​ബ് ജൂ​നി​യ​ർ ആ​ൻ​ഡ്​ സീ​നി​യ​ർ ചാ​മ്പ്യ​ൻ​ഷി​പ്പി​ൽ മൂ​ന്ന്​ മെ​ഡ​ലു​ക​ൾ നേ​ടി സൗ​ദി​യു​ടെ പ​താ​ക ഉ​യ​ർ​ത്തി​പ്പി​ടി​ച്ചു. ഈ ​പ്ര​ക​ട​ന​മാ​ണ് ഖ​ദീ​ജ​യെ ഇ​ത്തി​ഹാ​ദ് ക്ല​ബ്ബി​ലെ​ത്തി​ച്ച​ത്.

റി​യാ​ദി​ല്‍ പ്ര​വാ​സി​യാ​യ കോ​ഴി​ക്കോ​ട് കൊ​ടു​വ​ള​ളി സ്വ​ദേ​ശി ഐ.​ടി എ​ൻ​ജി​നീ​യ​ര്‍ കൂ​ട​ത്തി​ങ്ങ​ല്‍ അ​ബ്​​ദു​ല്ല​ത്തീ​ഫ് ഷാ​നി​ത ല​ത്തീ​ഫ് ദ​മ്പ​തി​ക​ളു​ടെ മ​ക​ളാ​ണ് ഖ​ദീ​ജ നി​സ. റി​യാ​ദ് ന്യൂ ​മി​ഡി​ലീ​സ്​​റ്റ്​ ഇ​ൻ​റ​ര്‍നാ​ഷ​ന​ല്‍ ഇ​ന്ത്യ​ന്‍ സ്‌​കൂ​ളി​ൽ​നി​ന്ന്​ പ്ല​സ് ടു ​ക​ഴി​ഞ്ഞ്​ കോ​ഴി​ക്കോ​ട് ദേ​വ​ഗി​രി കോ​ള​ജി​ൽ സ്പോ​ർ​ട്സ് മാ​നേ​ജ്‌​മെൻറി​ൽ ഒ​ന്നാം വ​ർ​ഷ ബി​രു​ദ വി​ദ്യാ​ര്‍ഥി​നി​യാ​ണ്.

സൗ​ദി​യി​ൽ ജ​നി​ച്ചു​വ​ള​ർ​ന്ന ഖ​ദീ​ജ നി​സ സൗ​ദി​യു​ടെ മാ​റ്റ​ങ്ങ​ളെ കൃ​ത്യ​മാ​യി ഉ​പ​യോ​ഗ​പ്പെ​ടു​ത്തി വി​ജ​യം കൊ​യ്ത കാ​യി​ക​താ​ര​മാ​ണ്. സൗ​ദി​യു​ടെ കാ​യി​ക മേ​ഖ​ല​യി​ലേ​ക്ക് ​ ത​ന്റെ സാ​ന്നി​ധ്യ​മു​റ​പ്പി​ക്കാ​ൻ ഈ ​പെ​ൺ​കു​ട്ടി​ക്കാ​യി. ബാ​ഡ്​​മി​ൻ​റ​ണി​ൽ ലോ​ക​ത​ല​ത്തി​ൽ നി​ര​വ​ധി നേ​ട്ട​ങ്ങ​ൾ ത​ങ്ങ​ൾ​ക്ക്​ സ​മ്മാ​നി​ച്ച ഖ​ദീ​ജ നി​സ​ക്ക്​ സൗ​ദി അ​ധി​കൃ​ത​ർ വ​ലി​യ പ​രി​ഗ​ണ​ന​യാ​ണ്​ ന​ൽ​കു​ന്ന​ത്.