പ്രായമായ സ്​ത്രീകൾക്ക്​ ഹറമിൽ നമസ്​കാരത്തിന്​ പ്രത്യേക സ്ഥലം

ജിദ്ദ: ​പ്രായമായ സ്​ത്രീകൾക്ക്​ മക്ക ഹറമിൽ നമസ്​കാരത്തിന്​ പ്രത്യേക സ്ഥലം. ഇരുഹറം കാര്യാലയമാണ്​ താഴത്തെ നിലയിൽ 88 കവാടത്തിനടുത്ത് എല്ലാ സേവനങ്ങളോടുംകൂടിയ സ്ഥലം പ്രായമായ സ്​ത്രീകൾക്ക്​ ഒരുക്കിയിരിക്കുന്നത്​.

ഉദ്​ഘാടനവേളയിൽ ഭക്ഷണം, സംസം, ഖുർആൻ കോപ്പികൾ, ശൈത്യകാല വസ്​ത്രങ്ങൾ എന്നിവ വിതരണം ചെയ്​തു. ഇരുഹറം കാര്യാലയ മേധാവി​യുടെ നിർദേശത്തെ തുടർന്നാണ്​ ഇങ്ങ​നെയൊരു സ്ഥലം പ്രായമായ സ്​ത്രീകൾക്ക്​ ഒരുക്കിയിരിക്കുന്നതെന്ന്​ വനിത സാമൂഹിക സന്നദ്ധ മാനുഷിക സേവന ഏജൻസി പറഞ്ഞു.

പ്രായമായവർക്ക്​ വേണ്ട എല്ലാ സേവനങ്ങളും സ്ഥലത്ത്​ ലഭ്യമാണ്​. ഹറമിലെത്തുന്ന പ്രായമായ സ്​ത്രീകൾക്ക്​ ആശ്വാസം നൽകാനും അവർക്ക്​ ആരാധനകൾ നടത്താൻ വേഗത്തിൽ സൗകര്യമൊരുക്കുന്നതിനുമാണ്​ പ്രത്യേക സ്ഥലമൊരുക്കിയിരിക്കുന്നതെന്ന്​ വനിത സാമൂഹിക സന്നദ്ധ മാനുഷിക സേവന ഏജൻസി അണ്ടർ സെക്രട്ടറി ഡോ. അബീർ ബിൻത് മുഹമ്മദ് അൽജുഫൈർ പറഞ്ഞു. സ്​ത്രീകൾക്കായുള്ള സേവനങ്ങൾ മികച്ചതാക്കുന്നതിനാണെന്നും അവർ പറഞ്ഞു.