റിയാദ്: സൗദി അറേബ്യയിൽ കോവിഡ് മുക്തി നിരക്ക് 97.5 ശതമാനായി ഉയർന്നു. രോഗം ബാധിച്ചവരിൽ ഇനി വളരെ കുറച്ചുപേർ മാത്രമേ രാജ്യത്ത് ചികിത്സയിലുള്ളൂ.
ശനിയാഴ്ച 239 പേർ കൂടി സുഖം പ്രാപിച്ചതോടെ ഇതുവരെ രോഗത്തിൽ നിന്ന് മുക്തി നേടിയവരുടെ എണ്ണം 350347 ആയി. പുതുതായി 166 പേർക്കാണ് രോഗം സ്ഥിരീകരിച്ചത്. ഇതോടെ െമാത്തം രോഗബാധിതരുടെ എണ്ണം 359749 ആയി. കോവിഡ് മൂലമുള്ള 13 മരണങ്ങളാണ് രാജ്യത്ത് വിവിധയിടങ്ങളിൽ റിപ്പോർട്ട് ചെയ്തത്.
ഇതോടെ ആകെ മരണസംഖ്യ 6036 ആയി. മരണനിരക്ക് 1.7 ശതമാനമായി തുടരുന്നു. കോവിഡ് ബാധിതരായി ഇനി ബാക്കിയുള്ളത് 3366 പേർ മാത്രം. ഇതിൽ 517 പേർ മാത്രമാണ് ഗുരുതരാവസ്ഥയിൽ. ഇവർ രാജ്യത്തെ വിവിധ ആശുപത്രികളിലെ തീവ്രപരിചരണ വിഭാഗത്തിൽ കഴിയുകയാണ്. ബാക്കിയുള്ളവരുടെ ആരോഗ്യനില തൃപ്തികരമാണ്. കഴിഞ്ഞ 24 മണിക്കൂറിനിടെ വിവിധ മേഖലകളിൽ റിപ്പോർട്ട് ചെയ്ത പുതിയ കോവിഡ് കേസുകൾ: റിയാദ് 60, മക്ക 34, മദീന 23, കിഴക്കൻ പ്രവിശ്യ 22, അസീർ7, ഖസീം 6, തബൂക്ക് 4, അൽജൗഫ് 3, വടക്കൻ അതിർത്തി മേഖല 3, നജ്റാൻ 2, ജീസാൻ 1, ഹാഇൽ 1.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.