തെ​ക്കേ​പ്പു​റം ഫു​ട്ബാ​ൾ ടൂ​ർ​ണ​മെന്റ്; ഡ​ബ്ല്യു.​എ​ഫ്.​സി ബി​ൻ ഡെ​ൽ​മ ജേ​താ​ക്ക​ൾ

ദ​മ്മാം: കോ​ഴി​ക്കോ​ട് തെ​ക്ക​പ്പു​റം കൂ​ട്ടാ​യ്‌​മ ആ​ഭി​മു​ഖ്യ​ത്തി​ൽ സം​ഘ​ടി​പ്പി​ച്ച 39ാമ​ത് ഫ്രൈ​ഡേ ക്ല​ബ് ഫു​ട്ബാ​ൾ ടൂ​ർ​ണ​മെ​ന്റി​ന് ആ​വേ​ശ​ക​ര​മാ​യ പ​രി​സ​മാ​പ്‌​തി. ദ​മ്മാം അ​ൽ​യ​മാ​മ സ്റ്റേ​ഡി​യ​ത്തി​ൽ ഒ​രു​മാ​സം നീ​ണ്ട ടൂ​ർ​ണ​മെ​ന്റി​ന്റെ സീ​നി​യ​ർ വി​ഭാ​ഗം മ​ത്സ​ര​ത്തി​ൽ ക​രു​ത്ത​രാ​യ ഡ​ബ്ല്യു.​എ​ഫ്‌.​സി ബി​ൻ ഡെ​ൽ​മ ടീം ​മ​റു​പ​ടി​യി​ല്ലാ​ത്ത ഒ​രു ഗോ​ളി​ന് ടീം ​പാ​രാ​മൗ​ണ്ടി​നെ പ​രാ​ജ​യ​പ്പെ​ടു​ത്തി ട്രോ​ഫി ക​ര​സ്ഥ​മാ​ക്കി.

ന​മീ​ർ മാ​ൻ ഓ​ഫ് ദി ​മാ​ച്ചാ​യി. ടൂ​ർ​ണ​മെൻറി​ലെ മി​ക​ച്ച ക​ളി​ക്കാ​ര​നാ​യി ഫ​ലാ ഫൈ​സ​ലി​നെ​യും പ്രോ​മി​സി​ങ് ക​ളി​ക്കാ​ര​നാ​യി കാ​മി​ലി​നെ​യും തി​ര​ഞ്ഞെ​ടു​ത്തു.

ജൂ​നി​യ​ർ വി​ഭാ​ഗം ഫൈ​ന​ലി​ൽ ടീം ​ഫ്രീ​ഡം പാ​ര​മൗ​ണ്ടി​നെ പെ​നാ​ൽ​റ്റി ഷൂ​ട്ടൗ​ട്ടി​ൽ പ​രാ​ജ​യ​പ്പെ​ടു​ത്തി ജേ​താ​ക്ക​ളാ​യി. ഫെ​റി​ൻ മു​ർ​ഷി​ദ് മാ​ൻ ഓ​ഫ് ദി ​മാ​ച്ചാ​യി. സ​ബ്​ ജൂ​നി​യ​ർ വി​ഭാ​ഗം ഫൈ​ന​ലി​ൽ തോ​പ്പി​ൽ ടീം, ​ടീം ഫ്രീ​ഡ​ത്തെ പ​രാ​ജ​യ​പ്പ​ടു​ത്തി​യ​പ്പോ​ൾ സൂ​പ്പ​ർ സീ​നി​യ​ർ ഫൈ​ന​ലി​ൽ ഡ്രീം​സ്, ഡ​ബ്ല്യു.​എ​ഫ്.​സി ബി​ൻ ഡെ​ൽ​മ​യെ പ​രാ​ജ​യ​പ്പെ​ടു​ത്തി ട്രോ​ഫി ക​ര​സ്ഥ​മാ​ക്കി.

യൂ​സു​ഫ് ഫ​ഹീം, നി​ഹാ​ദ് അ​ലി എ​ന്നി​വ​ർ യ​ഥാ​ക്ര​മം മാ​ൻ ഓ​ഫ് ദി ​മാ​ച്ചാ​യി. ടൂ​ർ​ണ​മെ​ന്റി​നോ​ട​നു​ബ​ന്ധി​ച്ച് ന​ട​ന്ന വ​ടം വ​ലി മ​ത്സ​ര​ത്തി​ൽ ഫ്രീ​ഡം ക​രു​ത്ത​രാ​യ ടീം ​തോ​പ്പി​ലി​നെ പ​രാ​ജ​യ​പ്പെ​ടു​ത്തി ജേ​താ​ക്ക​ളാ​യി. സ്ത്രീ​ക​ള​ട​ക്കം നി​ര​വ​ധി പേ​ർ ക​ളി കാ​ണാ​നെ​ത്തി.

ചെ​യ​ർ​മാ​ൻ മു​ഹ​മ്മ​ദ് അ​ലി, കോ​ഓ​ഡി​നേ​റ്റ​ർ റ​ഊ​ഫ്, ട്ര​ഷ​റ​ർ പി.​പി. അ​ലി, റെ​വ് ക​ൺ​സ​ൾ​ട്ട് മാ​നേ​ജി​ങ് പാ​ർ​ട്ണ​ർ ഫ​ഹ്​​മാ​ൻ, മേ​ഗാ പ്രോ​ജ​ക്ട് മാ​നേ​ജി​ങ് പാ​ർ​ട്ണ​ർ ഹി​ഷാം എ​ന്നി​വ​ർ ട്രോ​ഫി​ക​ൾ വി​ത​ര​ണം ചെ​യ്തു. എ​ഫ്‌.​സി.​ഡി പ്ര​സി​ഡ​ൻ​റ്​ കോ​യ​സ്സ​ൻ, സെ​ക്ര​ട്ട​റി ഷി​നി​ൽ റ​ഹ്മാ​ൻ എ​ന്നി​വ​ർ നേ​തൃ​ത്വം ന​ൽ​കി.