പ​രി​സ്ഥി​തി സു​ര​ക്ഷ​യി​ൽ വി​ട്ടു​വീ​ഴ്​​ച​യി​ല്ല

യാം​ബു: രാ​ജ്യ​ത്തെ സ​മു​ദ്ര​ത്തി​​െൻറ​യും ക​ര​യു​ടെ​യും ആ​വാ​സ​വ്യ​വ​സ്ഥ​യെ സം​ര​ക്ഷി​ക്കാ​നും പ​രി​സ്ഥി​തി​ക്ക് ഭി​ന്ന​മാ​യ ചെ​യ്തി​ക​ൾ നി​രീ​ക്ഷി​ക്കാ​നും സു​ര​ക്ഷ ഉ​ദ്യോ​ഗ​സ്ഥ​രു​ടെ നി​രീ​ക്ഷ​ണം ശ​ക്ത​മാ​ക്കി.

പ​രി​സ്ഥി​തി സു​ര​ക്ഷ​ക്കാ​യു​ള്ള സൗ​ദി സ്പെ​ഷ​ൽ ഫോ​ഴ്‌​സ് പ​രി​ശോ​ധ​ന​യി​ൽ പ​രി​സ്ഥി​തി ലം​ഘ​നം ന​ട​ത്തി​യ ഡ​സ​ൻ ക​ണ​ക്കി​ന് കു​റ്റ​വാ​ളി​ക​ളാ​ണ് പി​ടി​ക്ക​പ്പെ​ട്ട​ത്.​മ​ണ​ലും മ​ണ്ണും ക​ട​ത്തി​യ​തി​ന് ജി​ദ്ദ​യി​ലും ത​ബൂ​ക്കി​ലും ആ​ഭ്യ​ന്ത​ര സു​ര​ക്ഷ ഉ​ദ്യോ​ഗ​സ്ഥ​രു​ടെ നേ​തൃ​ത്വ​ത്തി​ലു​ള്ള സം​യു​ക്ത സേ​ന ക​ഴി​ഞ്ഞ​ദി​വ​സം കു​റെ​പേ​രെ പി​ടി​കൂ​ടി. മ​രം​വെ​ട്ടി അ​ന​ധി​കൃ​ത​മാ​യി വി​റ​ക് ക​ട​ത്തി​യ​തി​ന് യാം​ബു അ​ൽ ന​ഖ്‌​ലി​ൽ ക​ഴി​ഞ്ഞ​ദി​വ​സം നാ​ലു​പേ​രെ​യും പി​ടി​കൂ​ടി. കി​ഴ​ക്ക​ൻ റി​യാ​ദി​ലെ ഇ​മാം തു​ർ​ക്കി ബി​ൻ അ​ബ്​​ദു​ല്ല റോ​യ​ൽ റി​സ​ർ​വി​ലേ​ക്ക് അ​ന​ധി​കൃ​ത​മാ​യി പ്ര​വേ​ശി​ച്ച​വ​രും നി​രോ​ധി​ത മേ​ഖ​ല​ക​ളി​ൽ വ​ന്യ​മൃ​ഗ​ങ്ങ​ളെ വേ​ട്ട​യാ​ടി​യ​വ​രും പി​ടി​യി​ലാ​യ​തും സൗ​ദി പ്ര​സ് ഏ​ജ​ൻ​സി ക​ഴി​ഞ്ഞ​ദി​വ​സം റി​പ്പോ​ർ​ട്ട് ചെ​യ്തി​രു​ന്നു.

രാ​ജ്യ​ത്തെ വി​ശാ​ല​മാ​യ പ്ര​ദേ​ശ​ത്തു​ട​നീ​ളം പ​രി​സ്ഥി​തി​യും പ്ര​കൃ​തി വി​ഭ​വ​ങ്ങ​ളും സം​ര​ക്ഷി​ക്കാ​ൻ പ്ര​ത്യേ​ക സു​ര​ക്ഷ​സേ​ന സ​ദാ ജാ​ഗ്ര​ത​യി​ലാ​ണ്. മ​രു​ഭൂ​മീ​ക​ര​ണം ത​ട​യാ​നും സ​സ്യ​ജാ​ല​ങ്ങ​ളെ സം​ര​ക്ഷി​ക്കാ​നു​മു​ള്ള കൂ​ടു​ത​ൽ ന​ട​പ​ടി​ക​ളും വി​വി​ധ പ​ദ്ധ​തി​ക​ളും ഊ​ർ​ജി​ത മാ​യി ന​ട​ക്കു​ന്നു. സൗ​ദി പ​രി​സ്ഥി​തി നി​യ​മ സം​ര​ക്ഷ​ണം, പ​രി​സ്ഥി​തി​ക്കി​ണ​ങ്ങി​യ വി​ക​സ​ന പ​ദ്ധ​തി​ക​ൾ, മ​ലി​നീ​ക​ര​ണം ത​ട​യ​ൽ, പൊ​തു​ജ​നാ​രോ​ഗ്യ സം​ര​ക്ഷ​ണം, പ്ര​കൃ​തി വി​ഭ​വ​ങ്ങ​ളു​ടെ യു​ക്തി​സ​ഹ​മാ​യ ഉ​പ​യോ​ഗം എ​ന്നി​വ​യി​ൽ അ​ധി​കൃ​ത​ർ ന​ല്ല ശ്ര​ദ്ധ ചെ​ലു​ത്തു​ന്നു​ണ്ട്. സ​മു​ദ്ര വി​ഭ​വം സം​ര​ക്ഷി​ക്കു​ന്ന പ്ര​കൃ​തി സം​ര​ക്ഷ​ണ​നി​യ​മം പാ​ലി​ക്കാ​ൻ എ​ല്ലാ​വ​രും ജാ​ഗ്ര​ത കാ​ണി​ക്ക​ണം. മ​ത്സ്യ​സ​മ്പ​ത്ത് കു​റ​യാ​നും പ​വി​ഴ​പ്പു​റ്റു​ക​ളു​ടെ നാ​ശ​ത്തി​ന് ഹേ​തു​വാ​കു​ന്ന​തു​മാ​യ വി​ക​സ​ന പ​ദ്ധ​തി​ക​ൾ സ​മു​ദ്ര​വു​മാ​യി ബ​ന്ധ​പ്പെ​ട്ട് ന​ട​ത്താ​തി​രി​ക്കാ​നു​മാ​ണ് അ​ധി​കൃ​ത​ർ ഏ​റെ ശ്ര​ദ്ധി​ക്കാ​റു​ള്ള​ത്.