റിയാദ്: വീണ്ടും റഷ്യൻ പ്രസിഡൻറായി തെരഞ്ഞെടുക്കപ്പെട്ട വ്ലാദിമിർ പുടിനെ സൗദി ഭരണാധികാരി സൽമാൻ രാജാവും കിരീടാവകാശി അമീർ മുഹമ്മദ് ബിൻ സൽമാനും അഭിനന്ദിച്ചു. താങ്കൾക്കും റഷ്യയിലെ ജനങ്ങൾക്കും കൂടുതൽ പുരോഗതിയും സമൃദ്ധിയുമുണ്ടാകാൻ ആശംസിക്കുകയാണെന്ന് പുടിന് അയച്ച സന്ദേശത്തിൽ സൽമാൻ രാജാവ് പറഞ്ഞു.
ഇരു സൗഹൃദ രാജ്യങ്ങളും ജനങ്ങളും തമ്മിലുള്ള ബന്ധം കൂടുതൽ മെച്ചപ്പെടുന്നതിൽ ആഹ്ലാദം പ്രകടിപ്പിച്ചു. അത് എല്ലാ മേഖലകളിലും ശക്തിപ്പെടുത്താനും വികസിപ്പിക്കാനും എല്ലാവരും ശ്രമിക്കുന്നുവെന്നും സന്ദേശത്തിൽ സൽമാൻ രാജാവ് പറഞ്ഞു. കിരീടാവകാശി അമീർ മുഹമ്മദ് ബിൻ സൽമാനും പുടിനും റഷ്യയിലെ ജനങ്ങൾക്കും കൂടുതൽ സമൃദ്ധിയും പുരോഗതിയും വിജയവുമുണ്ടാകട്ടെ എന്ന് ആശംസിച്ചു സന്ദേശമയച്ചു. കൂടാതെ പുടിനെ ഫോണിൽ വിളിച്ച് നേരിട്ടും അഭിനന്ദനങ്ങൾ അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.