ഹാഇൽ: പ്രകൃതി ദുരന്തമുണ്ടായ വയനാട്ടിലെ ദുരിതബാധിതരെ അനുസ്മരിച്ച് ഹാഇൽ ഒ.ഐ.സി.സി പ്രാർഥനസദസ്സ് സംഘടിപ്പിച്ചു. മലയാളനാടിനുണ്ടായ വലിയ വേദനയാണ് വയനാട് എന്നും ഒരു നിമിഷം കൊണ്ട് തകർന്നുപോയ വയനാടിനെ പുനർനിർമിക്കാൻ എല്ലാവരും ഒന്നായി പരിശ്രമിക്കണമെന്നും വയനാട്ടിലും പരിസര പ്രദേശങ്ങളിലും ഉണ്ടായ ദുരന്തം സമാനതകളില്ലാത്തതാണെന്നും ദേശീയ ദുരന്തമായി പ്രഖ്യാപിച്ച് കേന്ദ്ര സർക്കാർ ആവശ്യമായ എല്ലാ സഹായ സഹകരണങ്ങളും നടപ്പാക്കണമെന്നും യോഗം ആവശ്യപ്പെട്ടു. സെൻട്രൽ പ്രസിഡൻറ് ഖൈദർ അലി ഖാസിം അധ്യക്ഷത വഹിച്ചു. അബ്ദുൽ സലാം റഷാദി പ്രാർഥന നടത്തി.
ഷറഫുദ്ദീൻ തയ്യിൽ അനുശോചന പ്രമേയം അവതരിപ്പിച്ചു. വിവിധ സംഘടനകളെ പ്രതിനിധീകരിച്ച് ബാപ്പു എസ്റ്റേറ്റുമുക്ക്, ബഷീർ നെല്ലളം, മുനീർ സഖാഫി, അബ്ദുൽ സത്താർ പുന്നാട്, അഫ്സൽ കായംകുളം, നൗഫൽ പറക്കുന്ന് എന്നിവർ സംസാരിച്ചു. ചാൻസ അബ്ദുറഹ്മാൻ സ്വാഗതവും സാബു തിരുവനന്തപുരം നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.