‘ഐറ്റെക്സ്’ വിദ്യാഭ്യാസ പ്രദര്‍ശനം ഉദ്ഘാടനം ചെയ്ത അജ്മാന്‍ കിരീടാവകാശി ശൈഖ്
അമ്മാര്‍ ബിന്‍ ഹുമൈദ് അല്‍ നുഐമി സ്റ്റാളുകൾ സന്ദർശിക്കുന്നു
അജ്മാന്‍: എമിറേറ്റില്‍ നടക്കുന്ന പത്താമത് ‘ഐറ്റെകസ്’ വിദ്യാഭ്യാസ പ്രദര്‍ശനത്തിന് തുടക്കമായി. അജ്മാൻ ഇന്‍റർനാഷനൽ എക്‌സിബിഷൻ ഫോർ എജുക്കേഷൻ ആൻഡ് ട്രെയിനിങ്ങിന്‍റെ പ്രദര്‍ശനം അജ്മാന്‍ കിരീടാവകാശി ശൈഖ് അമ്മാര്‍ ബിന്‍ ഹുമൈദ് അല്‍ നുഐമി ഉദ്ഘാടനം ചെയ്തു.
യു.എ.ഇ സുപ്രീം കൗണ്‍സില്‍ അംഗവും അജ്മാന്‍ ഭരണാധികാരിയുമായ ശൈഖ് ഹുമൈദ് ബിന്‍ റാഷിദ്‌ അല്‍ നുഐമിയുടെ മേല്‍നോട്ടത്തില്‍ അജ്മാന്‍ ചേംബര്‍ ഓഫ് കോമേഴ്സിന്റെ ആഭിമുഖ്യത്തിലാണ് പ്രദര്‍ശനം നടക്കുന്നത്. അജ്മാന്‍ ജറഫിലുള്ള എമിറേറ്റ്സ് ഹോസ്പിറ്റാലിറ്റി സെന്‍ററില്‍ നടക്കുന്ന പ്രദര്‍ശനത്തില്‍ 40ല ധികം പ്രാദേശിക, അന്തർദേശീയ വിദ്യാഭ്യാസ സ്ഥാപനങ്ങള്‍ പങ്കെടുക്കുന്നുണ്ട്. രാവിലെ ഒമ്പതുമുതൽ വൈകീട്ട് നാലുവരെയാണ് പ്രദര്‍ശനം നടക്കുക. വ്യാഴാഴ്ച പ്രദർശനം അവസാനിക്കും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.