ദു​ബൈ​യി​ൽ ‘മ്മ​ടെ തൃ​ശൂ​ർ പൂ​രം’ ഡി​സം. ര​ണ്ടി​ന് കൊ​ടി​യേ​റും

ദു​ബൈ: ദു​ബൈ​യി​ലെ തൃ​ശൂ​ർ പൂ​ര​ത്തി​ന് ഡി​സം​ബ​ർ ര​ണ്ടി​ന് കൊ​ടി​യേ​റും. ദു​ബൈ ഇ​ത്തി​സ​ലാ​ത്ത് അ​ക്കാ​ദ​മി​യി​ലാ​ണ് പൂ​ര​പ്പ​റ​മ്പ് ഒ​രു​ക്കു​ന്ന​ത്. ഇ​ത് അ​ഞ്ചാം ത​വ​ണ​യാ​ണ് ദു​ബൈ​യി​ലെ തൃ​ശൂ​ർ സ്വ​ദേ​ശി​ക​ൾ ചേ​ർ​ന്ന് പൂ​രം സം​ഘ​ടി​പ്പി​ക്കു​ന്ന​ത്. മ്മ​ടെ തൃ​ശൂ​ർ എ​ന്ന കൂ​ട്ടാ​യ്മ​യും ഇ​ക്വി​റ്റി പ്ല​സ് അ​ഡ്വ​ർ​ടൈ​സി​ങ്ങും ചേ​ർ​ന്നാ​ണ് പൂ​രം സം​ഘ​ടി​പ്പി​ക്കു​ന്ന​ത്.

ഈ ​സ്വ​പ്ന​ന​ഗ​രി​യി​ലെ ഏ​റ്റ​വും അ​ധി​കം മ​ല​യാ​ളി​ക​ൾ പ​​ങ്കെ​ടു​ക്കു​ന്ന അ​ഞ്ചാ​മ​ത്തെ പൂ​ര​ത്തി​നാ​ണ്​ ന​മ്മു​ടെ തൃ​ശൂ​ർ കൂ​ട്ടാ​യ്മ ത​യാ​റെ​ടു​ക്കു​ന്ന​ത്. അ​ഞ്ചാം ത​വ​ണ​യാ​യ​തി​നാ​ൽ അ​ഞ്ച്​ ആ​ന​യും അ​ഞ്ച് മേ​ള​വും അ​ഞ്ചു​ത​രം കാ​വ​ടി​യു​മാ​ണ് ഇ​ത്ത​വ​ണ​ത്തെ ആ​ക​ർ​ഷ​ണം. ത​ല​യെ​ടു​പ്പു​ള്ള അ​ഞ്ച് റോ​ബോ​ട്ടി​ക് ആ​ന​ക​ളും, ആ​ദ്യ​മാ​യി ഗ​ൾ​ഫി​ലെ​ത്തു​ന്ന മ​ച്ചാ​ട് മാ​മാ​ങ്കം കു​തി​ര​യും ഇ​ക്കു​റി പൂ​ര​ത്തെ വേ​റി​ട്ട​താ​ക്കു​മെ​ന്ന് മ്മ​ടെ തൃ​ശൂ​ർ കൂ​ട്ടാ​യ്മ പ്ര​സി​ഡ​ന്റ് അ​നൂ​പ് അ​നി​ൽ ദേ​വ​ൻ വാ​ർ​ത്ത​സ​മ്മേ​ള​ന​ത്തി​ൽ പ​റ​ഞ്ഞു.

150ലേ​റെ വാ​ദ്യ ക​ലാ​കാ​ര​ന്മാ​ർ ചേ​രാ​ന​ല്ലൂ​ർ ശ​ങ്ക​ര​ൻ​കു​ട്ടി മാ​രാ​രു​ടെ നേ​തൃ​ത്വ​ത്തി​ൽ പൂ​ര​ത്തി​നെ​ത്തും. പ്ര​മു​ഖ പി​ന്ന​ണി ഗാ​യ​ക​ൻ വി​ധു പ്ര​താ​പ്, ന​ടി അ​പ​ർ​ണ ബാ​ല​മു​ര​ളി, ഐ​ഡി​യ സ്റ്റാ​ർ സി​ങ്ങ​ർ താ​രം ശ്രീ​രാ​ഗ് ഭ​ര​ത​നും സം​ഘ​വും അ​വ​ത​രി​പ്പി​ക്കു​ന്ന സം​ഗീ​ത നി​ശ, ജെ.​എം 5 ഡി.​ജെ, യു.​എ.​ഇ​യി​ലെ പ്ര​മു​ഖ ബാ​ൻ​ഡാ​യ അ​ഗ്നി എ​ന്നി​വ​രു​ടെ വൈ​വി​ധ്യ​മാ​ർ​ന്ന പ​രി​പാ​ടി​ക​ളും ഇ​ത്ത​വ​ണ​ത്തെ പ്ര​ത്യേ​ക​ത​ക​ളാ​ണ്. മ്മ​ടെ തൃ​ശൂ​ർ ഭാ​ര​വാ​ഹി​ക​ളാ​യ ര​ശ്മി രാ​ജേ​ഷ്, ജെ.​കെ ഗു​രു​വാ​യൂ​ർ, സു​നി​ൽ ആ​ലു​ങ്ക​ൽ, അ​നി​ൽ അ​ര​ങ്ങ​ത്ത്, വി​മ​ല്‍ കേ​ശ​വ​ൻ, ഷാ​ജു, സ​ന്ദീ​പ്, ഇ​ക്വി​റ്റി പ്ല​സ്​ സി.​ഇ.​ഒ സു​നി​ൽ ക​ഞ്ച​ൻ, അ​ബ്ദു​ൽ ഹ​ക്കിം തു​ട​ങ്ങി​യ​വ​രും വാ​ർ​ത്ത​സ​മ്മേ​ള​ന​ത്തി​ൽ പ​ങ്കെ​ടു​ത്തു.