അസെന്‍റ് ഇ.എൻ.ടി ആശുപത്രിയുടെ ദുബൈ ശാഖയുടെ ഉദ്ഘാടനം യു.എ.ഇ മുന്‍ പരിസ്ഥിതി, ജലവകുപ്പ് മന്ത്രി
ഡോ. മുഹമ്മദ് സഈദ് അല്‍ കിന്ധി നിര്‍വഹിക്കുന്നു
ദുബൈ: അസെന്‍റ് ഇ.എൻ.ടി ആശുപത്രി ഗ്രൂപ്പിന്‍റെ ദുബൈ ശാഖയുടെ ഉദ്ഘാടനം യു.എ.ഇ മുന്‍ പരിസ്ഥിതി, ജല വകുപ്പ് മന്ത്രി ഡോ. മുഹമ്മദ് സഈദ് അല്‍ കിന്ധി നിര്‍വഹിച്ചു. ബര്‍ദുബൈയിലുള്ള സ്‌പെഷാലിറ്റി സെന്‍ററില്‍ നടന്ന ചടങ്ങിന് അസെന്‍റ് മാനേജിങ് ഡയറക്ടര്‍ ഡോ. പി.കെ. ഷറഫുദ്ദീന്‍, ഡയറക്ടര്‍മാരായ മുഹമ്മദ് അലി, മുസ്തഫ എന്നിവര്‍ നേതൃത്വം നല്‍കി.
കേരളത്തില്‍ പെരിന്തല്‍മണ്ണ, കോഴിക്കോട്, പാലക്കാട് എന്നിവിടങ്ങളില്‍ പ്രവര്‍ത്തിച്ചുവരുന്ന അസെന്‍റ് ഇ.എൻ.ടിയുടെ യു.എ.ഇയിലെ ആദ്യത്തെ സെന്‍ററാണിത്. ഉദ്ഘാടന ചടങ്ങില്‍ റീജന്‍സി ഗ്രൂപ് ചെയര്‍മാന്‍ ഷംസുദീന്‍ ബിന്‍ മുഹയുദ്ദീന്‍, മലബാര്‍ ഗ്രൂപ് ഇന്‍റര്‍നാഷനല്‍ ഓപറേഷന്‍സ് മാനേജിങ് ഡയറക്ടര്‍ ഷംലാല്‍ അഹമ്മദ്, എക്‌സിക്യൂട്ടിവ് ഡയറക്ടര്‍ എ.കെ. ഫൈസല്‍, ഫാത്തിമ ഹെല്‍ത്ത് ഗ്രൂപ് ചെയര്‍മാന്‍ ഡോ. കെ.പി. ഹുസൈന്‍, ബഷീര്‍ പടിയത്ത്, യു.എ.ഇ കെ.എം.സി.സി ജനറല്‍ സെക്രട്ടറി പി.കെ. അന്‍വര്‍ നഹ, ആര്‍.ജെ. മിഥുന്‍ രമേശ്, റീജന്‍സി ഗ്രൂപ് മാനേജിങ് ഡയറക്ടര്‍ ഡോ. അന്‍വര്‍ അമീന്‍ തുടങ്ങിയവര്‍ പങ്കെടുത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.