ദുബൈ കെ.എം.സി.സി ദേശീയ ദിനാഘോഷത്തിന്‍റെ പ്രോഗ്രാം കമ്മിറ്റി യോഗത്തിൽ ചെയർമാൻ ഒ.കെ. ഇബ്രാഹിം സംസാരിക്കുന്നു
ദുബൈ: ഈദ് അൽ ഇതിഹാദിന്‍റെ ഭാഗമായി ദുബൈ കെ.എം.സി.സി ഡിസംബർ ഒന്നിന് അൽ നാസർ ലൈസർ ലാൻഡിൽ നടത്തുന്ന ആഘോഷത്തിൽ മുസ്‌ലിം ലീഗ് സംസ്ഥാന പ്രസിഡന്‍റ് പാണക്കാട് സാദിഖലി ശിഹാബ് തങ്ങൾ, പി.കെ. കുഞ്ഞാലിക്കുട്ടി, എം.എ. യൂസുഫലി, മുസ്‌ലിം ലീഗ് സംസ്ഥാന ജനറൽ സെക്രട്ടറി പി.എം.എ സലാം തുടങ്ങിയവരോടൊപ്പം അറബ് പ്രമുഖരും പങ്കെടുക്കുമെന്ന് പ്രോഗ്രാം കമ്മിറ്റി ചെയർമാൻ ഒ.കെ. ഇബ്രാഹിം, ജനറൽ കൺവീനർ അഡ്വ. ഇബ്രാഹിം ഖലീൽ എന്നിവർ അറിയിച്ചു.
കൊല്ലം ഷാഫി, ആദിൽ അത്തു, മമ്മാലി രഹന തുടങ്ങിയവർ അവതരിപ്പിക്കുന്ന ഇശൽ നിലാവ്, ദുബൈ കെ.എം.സി.സി സർഗതാരയും വിമൻസ് വിങ്ങിന്‍റെ നേതൃത്വത്തിൽ അവതരിപ്പിക്കുന്ന കുട്ടികളുടെ കലാപരിപാടികൾ തുടങ്ങി വിവിധ പരിപാടികൾ ചടങ്ങിന്‍റെ ഭാഗമായി അരങ്ങേറും. അബുഹൈൽ കെ.എം.സി.സി ആസ്ഥാനത്തു ചേർന്ന സ്വാഗത സംഘം പ്രോഗ്രാം കമ്മിറ്റി യോഗത്തിൽ ഒ.കെ. ഇബ്രാഹിം അധ്യക്ഷത വഹിച്ചു. സലാം കന്യപ്പാടി സ്വാഗതം പറഞ്ഞു.
ഇസ്മാഈൽ ഏറാമല, പി.വി. നാസർ, സൈനുദ്ദീൻ ചേലേരി, റഹ്‌ദാദ് മൂഴിക്കര, ജലീൽ മഷ്ഹൂർ തങ്ങൾ, ഗഫൂർ പട്ടിക്കര, അഫ്സൽ മട്ടമ്മൽ, മുഹമ്മദ്‌ ഇബ്രാഹിം ചളവറ, സത്താർ മാമ്പ്ര, വി.കെ നിസാം, മുഹമ്മദ്‌ ശരീഫ്, കെ.സി സിദ്ദീഖ്, മുഹമ്മദ്‌ വെട്ടുകാട്, ഷുക്കൂർ ഉടുമ്പുംതല എന്നിവർ ചർച്ചയിൽ പങ്കെടുത്തു. അഫ്സൽ മെട്ടമ്മൽ നന്ദി പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.