അബൂദബി: ഇത്തിഹാദ്, ഫൈ്ള ദുബൈ വിമാനങ്ങളില്‍ ഏര്‍പ്പെടുത്തിയ വിലക്കിന് പിന്നാലെ സാംസങ് ഗാലക്സി നോട്ട് -7 മൊബൈല്‍ ഫോണ്‍ രാജ്യത്തെ എല്ലാ വിമാനങ്ങളിലും നിരോധിച്ചുകൊണ്ട് യു.എ.ഇ ജനറല്‍ സിവില്‍ ഏവിയേഷന്‍ അതോറിറ്റി (ജി.സി.എ.എ) ഉത്തരവിട്ടു. ഫോണിന്‍െറ ബാറ്ററിക്ക് തീപിടിക്കുന്നുണ്ടെന്നും പൊട്ടിത്തെറിക്കുന്നുണ്ടെന്നുമുള്ള റിപ്പോര്‍ട്ടുകളെ തുടര്‍ന്നാണ് നടപടി. വിമാനങ്ങളില്‍ സാംസങ് ഗാലക്സി നോട്ട് -7 മൊബൈല്‍ ഫോണ്‍ ഓണാക്കാനോ അവ ബാഗേജുകളില്‍ സൂക്ഷിക്കാനോ പാടില്ളെന്ന് ജി.സി.എ.എ ഡയറക്ടര്‍ ജനറല്‍ സൈഫ് മുഹമ്മദ് ആല്‍ സുവൈദി പ്രസ്താവനയില്‍ പറഞ്ഞു.
കഴിഞ്ഞ ദിവസം ഇത്തിഹാദ്, ഫൈ്ള ദുബൈ വിമാനക്കമ്പനികള്‍ ഈ മോഡല്‍ മൊബൈല്‍ ഫോണിന് വിലക്കേര്‍പ്പെടുത്തിയിരുന്നു. സാംസങ് ഗാലക്സി നോട്ട് -7 കമ്പനി തിരിച്ചുവിളിച്ച സാഹചര്യത്തില്‍ മുന്‍കരുതല്‍ എന്ന നിലക്കാണ് മൊബൈല്‍ ഫോണ്‍ ഉപയോഗിക്കുന്നതിനും അതിന്‍െറ ബാറ്ററി ചാര്‍ജ് ചെയ്യുന്നതിനും വിമാനത്തില്‍ വിലക്കേര്‍പ്പെടുത്തിയതെന്ന് ഇത്തിഹാദ് അധികൃതര്‍ അറിയിച്ചിരുന്നു.
ആഗസ്റ്റ് ഒന്ന് മുതലാണ് നോട്ട് 7 വില്‍പനയാരംഭിച്ചത്. വില്‍പനയാരംഭിച്ച ഒമ്പത് രാജ്യങ്ങളില്‍ ഒന്നായ യു.എ.ഇയില്‍ ഫോണ്‍ മൂലമുള്ള അപകടങ്ങളൊന്നും റിപ്പോര്‍ട്ട് ചെയ്തിട്ടില്ല.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.