അബൂദബി: അബൂദബി സാംസ്‌കാരിക, വിനോദസഞ്ചാര വകുപ്പ് സംഘടിപ്പിക്കുന്ന എട്ടാമത് മദര്‍ ഓഫ് ദ നേഷന്‍ ഫെസ്റ്റിവല്‍ നവംബര്‍ 28 മുതല്‍ ഡിസംബര്‍ 31 വരെ നടക്കും.
അല്‍ ദഫ്റ, അല്‍ഐന്‍, അബൂദബി കോര്‍ണിഷ് എന്നിവിടങ്ങളിലായി നടക്കുന്ന ഫെസ്റ്റിവലില്‍ 350ലേറെ പരിപാടികളാണ് സന്ദര്‍ശകര്‍ക്കായി ഒരുക്കിയിട്ടുള്ളത്. നവംബര്‍ 28 മുതല്‍ ഡിസംബര്‍ രണ്ട് വരെ അല്‍ ദഫ്റയിലെ അല്‍ മുഖീര ബേയിലും അല്‍ ഐനിലുമായാണ് ഫെസ്റ്റിവല്‍ ആദ്യം നടത്തുക. ഡിസംബര്‍ ആറു മുതല്‍ 31 വരെയാണ് ഫെസ്റ്റിവലിന്‍റെ രണ്ടാം ഘട്ടം അബൂദബി കോര്‍ണിഷില്‍ 1.5 കിലോമീറ്റര്‍ നീളത്തിലൊരുക്കിയിരിക്കുന്ന വേദിയില്‍ അരങ്ങേറും.
കുടുംബങ്ങള്‍ക്കായി വിപുലമായ വിനോദ പരിപാടികള്‍ ഫെസ്റ്റിവലിലുണ്ടാവും. ഔട്ട് ഓഫ് ദിസ് വേള്‍ഡ് സ്‌പേസ് എന്നതാണ് ഇത്തവണത്തെ ഫെസ്റ്റിവലിന്‍റെ പ്രമേയം. കുട്ടികൾക്കും കൗമാരക്കാര്‍ക്കുമായി നവ്യാനുഭവം പകരുന്ന പ്രവര്‍ത്തനങ്ങളും ഫെസ്റ്റിവലിലുണ്ടാകും. ആഗോള ഭക്ഷ്യ ഹാള്‍, ഔട്ട് ഡോര്‍ സിനിമ, വ്യാപാര കേന്ദ്രങ്ങള്‍, സംഗീത, സാംസ്‌കാരിക പരിപാടികള്‍, കാര്‍ണിവല്‍ റൈഡുകള്‍, ശാസ്ത്ര ശില്‍പശാലകള്‍ എന്നിവയും ഫെസ്റ്റിവലിനോടനുബന്ധിച്ച് ഒരുക്കും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.