ന​മ്പി നാ​രാ​യ​ണ​ന്‍റെ ക​ഥ പ​റ​യു​ന്ന സി​നി​മ; ട്രെ​യി​ല​ർ ദു​ബൈ​യി​ൽ പു​റ​ത്തി​റ​ക്കി

ദു​ബൈ: ശാ​സ്ത്ര​ജ്ഞ​ൻ ന​മ്പി നാ​രാ​യ​ണ​ന്‍റെ ജീ​വി​തം പ​റ​യു​ന്ന 'റോ​ക്ക​റ്റ​റി -ദ ​ന​മ്പി എ​ഫ​ക്ട്' സി​നി​മ​യി​ൽ 140 കോ​ടി വി​ല്ല​ൻ ക​ഥാ​പാ​ത്ര​മു​ണ്ടെ​ന്ന് സം​വി​ധാ​യ​ക​നും ന​ട​നു​മാ​യ ആ​ർ. മാ​ധ​വ​ൻ. ദു​ബൈ​യി​ൽ സി​നി​മ​യു​ടെ ട്രെ​യി​ല​ർ റി​ലീ​സി​ങ്ങി​ന് ശേ​ഷം മാ​ധ്യ​മ​പ്ര​വ​ർ​ത്ത​ക​രോ​ട് സം​സാ​രി​ക്കു​ക​യാ​യി​രു​ന്നു അ​ദ്ദേ​ഹം.

ഐ.​എ​സ്.​ആ​ർ.​ഒ ചാ​ര​വൃ​ത്തി​കേ​സി​ന്‍റെ പേ​രി​ൽ വ​ർ​ഷ​ങ്ങ​ളോ​ളം പീ​ഡ​നം അ​നു​ഭ​വി​ക്കു​ക​യും ഒ​ടു​വി​ൽ ത​ന്‍റെ നി​ര​പ​രാ​ധി​ത്വം തെ​ളി​യി​ക്കു​ക​യും ചെ​യ്ത ബ​ഹി​രാ​കാ​ശ ശാ​സ്ത്ര​ജ്ഞൻ ന​മ്പി നാ​രാ​ണ​യ​ന്‍റെ ജീ​വി​തം പ​റ​യു​ന്ന സി​നി​മ​യാ​ണ് റോ​ക്ക​റ്റ​റി ദ ​ന​മ്പി എ​ഫ്ക്ട്. സി​നി​മ​യി​ൽ ന​മ്പി നാ​രാ​യ​ണ​നെ അ​വ​ത​രി​പ്പി​ക്കു​ക മാ​ത്ര​മ​ല്ല റോ​ക്ക​റ്റ​റി​യു​ടെ ര​ച​ന​യും സം​വി​ധാ​ന​വും നി​ർ​മാ​ണ​വും ന​ട​ൻ ആ​ർ. മാ​ധ​വ​നാ​ണ്.

ഇം​ഗ്ലീ​ഷ്, ഹി​ന്ദി, ത​മി​ഴ് ഭാ​ഷ​ക​ളി​ൽ ഒ​രേ​സ​മ​യം ചി​ത്രീ​ക​രി​ച്ച സി​നി​മ​യാ​ണി​ത്.

എ​ന്നാ​ൽ, മ​ല​യാ​ള​ത്തി​ൽ ഡ​ബ് ചെ​യ്ത് സി​നി​മ എ​ത്തു​മെ​ന്ന് മാ​ധ​വ​ൻ പ​റ​ഞ്ഞു. ന​മ്പി നാ​രാ​യ​ണ​നെ അ​റി​യു​ന്ന​വ​ർ​ക്കു​പോ​ലും അ​ദ്ദേ​ഹ​ത്തെ പ​ത്ഭൂ​ഷ​ന് അ​ർ​ഹ​നാ​ക്കി​യ സം​ഭാ​വ​ന എ​ന്തെ​ന്ന് അ​റി​യി​ല്ല. ഒ​രി​ക്ക​ൽ​പോ​ലും പ​രാ​ജ​യ​പ്പെ​ട്ടി​ട്ടി​ല്ലാ​ത്ത ലി​ക്വി​ഡ് പ്രൊ​പ്പ​ൽ​ഷ​ൻ എ​ൻ​ജി​ൻ ഇ​ന്ത്യ​ൻ റോ​ക്ക​റ്റു​ക​ൾ​ക്ക് സം​ഭാ​വ​ന​ചെ​യ്ത ശാ​സ്ത്ര​ജ്ഞനാ​ണ് ന​മ്പി നാ​രാ​ണ​യ​ൻ. ആ​ദ്യ​മാ​യി യാ​ഥാ​ർ​ഥ റോ​ക്ക​റ്റ് എ​ൻ​ജി​നു​ക​ൾ ഉ​പ​യോ​ഗി​ച്ച് ചി​ത്രീ​ക​രി​ച്ച​താ​ണ് റോ​ക്ക​റ്റി​യ​ർ.

ക​ഥാ​പാ​ത്ര​ങ്ങ​ളു​ടെ വി​വി​ധ പ്രാ​യം ചി​ത്രീ​ക​രി​ക്കാ​ൻ വി​ഗോ, ശ​രീ​ര​ത്തി​ൽ വെ​ച്ചു​കെ​ട്ട​ലോ ഉ​പ​യോ​ഗി​ച്ചി​ട്ടി​ല്ല. എ​ല്ലാ​വ​രും പ​ല ഘ​ട്ട​ങ്ങ​ളി​ലാ​യി ശ​രീ​രം ത​ടി​വെ​പ്പി​ച്ചാ​ണ് സി​നി​മ​യി​ൽ അ​ഭി​ന​യി​ച്ച​ത്.

ന​മ്പി നാ​രാ​യ​ണ​നാ​കാ​ൻ ത​ന്‍റെ പ​ല്ലു​ക​ളി​ലും മാ​റ്റം വ​രു​ത്തി. സി​നി​മ ന​മ്പി നാ​രാ​ണ​യ​നെ മ​ര്യാ​ദ പു​രു​ഷോ​ത്ത​മ​നാ​യി ചി​ത്രീ​ക​രി​ക്കു​ന്ന ഒ​ന്ന​ല്ല. ന​മ്പി നാ​രാ​യ​ണ​യ​ൻ എ​ന്ന വ്യ​ക്തി​യു​ടെ​യും ശാ​സ്ത്ര​ജ്ഞന്‍റെ ദൗ​ർ​ബ​ല്യ​ങ്ങ​ൾ​കൂ​ടി പ​റ​യു​ന്ന സി​നി​മ​യാ​ണെ​ന്നും മാ​ധ​വ​ൻ പ​റ​ഞ്ഞു.

ജൂ​ലൈ ഒ​ന്നി​നാ​ണ് റോ​ക്ക​റ്റി​യ​ർ തി​യ​റ്റ​റി​ലെ​ത്തു​ക. ന​മ്പി നാ​രാ​ണ​യ​ന്‍റെ ഭാ​ര്യ​യു​ടെ വേ​ഷം മാ​ധ​വ​ന്‍റെ പ​ഴ​യ​കാ​ല നാ​യി​ക സി​മ്രാ​ൻ കൈ​കാ​ര്യം ചെ​യ്യും. ഷാ​രൂ​ഖ് ഖാ​നും സൂ​ര്യ​യും സി​നി​മ​യി​ലു​ണ്ട്. ഗ​ൾ​ഫി​ൽ അ​റ​ബി​യി​ലും സി​നി​മ ഡ​ബ് ചെ​യ്ത് പ്ര​ദ​ർ​ശി​പ്പി​ക്കും. സ​ഹ നി​ർ​മാ​താ​ക്ക​ളാ​യ വി​ജ​യ് മൂ​ല​നും വാ​ർ​ത്ത​സ​മ്മേ​ള​ന​ത്തി​ൽ പ​ങ്കെ​ടു​ത്തു.