അബൂദബി: അബൂദബിയിലെ അഞ്ച് വാണിജ്യ വിമാനത്താവളങ്ങളുടെ പ്രവർത്തന ചുമതലയുള്ള അബൂദബി എയർപോർട്സിന്‍റെ മാനേജിങ് ഡയറക്ടറും സി.ഇ.ഒയുമായി എലിന സൊർളിനിയെ നിയമിച്ചു. 2023 ജൂൺമുതൽ ഈ പദവിയിൽ ഇടക്കാല ചുമതല വഹിച്ചുവരികയായിരുന്നു ഇവർ. ഇപ്പോൾ പൂർണ ചുമതലയാണ് നൽകിയത്. അബൂദബി എയർപോർട്സ് ഡയറക്ടർ ബോർഡ് ചെയർമാനും പ്രസിഡന്‍ഷ്യൽ കോർട്ടിന്റെ പ്രത്യേക കാര്യ ഉപദേശകനുമായ ശൈഖ് മുഹമ്മദ് ബിൻ ഹമദ് ബിൻ തഹ്നൂൻ ആൽ നഹ്യാനാണ് നിയമനം സംബന്ധിച്ച വിവരം പുറത്തുവിട്ടത്. ടെർമിനൽ ‘എ’യുടെ നിർമാണത്തിന് മേൽനോട്ടം വഹിച്ചിരുന്നത് എലിനയായിരുന്നു. വ്യോമഗതാഗത മേഖലയിൽ എലിനക്ക് 20 വർഷത്തെ പരിചയമുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.