അബൂദബി : കൊടും വേനൽച്ചൂടിൽ സ്‌കൂൾ അവധിക്കാലം ഇന്ത്യാ സോഷ്യൽ ആൻറ് കൾചറൽ സെൻററില െ (ഐ. എസ്. സി) സമ്മർ ക്യാമ്പിൽ നന്നായി ആസ്വദിച്ച് വിദ്യാർഥികൾ. നീന്തൽ, ഇൻഡോർ ഫുട്‌ബാൾ, വോളീബാൾ, ബാഡ്മിൻറൺ, ഉൾപ്പെടെ വിവിധ കായിക പരിശീലനങ്ങളും വിനോദ വിജ്ഞാന പരിപാടികളും പാചകവുമൊക്കെയായാണ് കുട്ടികൾ സമ്മർ ക്യാംപ് ആസ്വദിക്കുന്നത്. വാർനർ ബോസിലും വാട്ടർ വേൾഡിലും ആടിത്തിമർക്കാൻ ഫീൽഡ് ട്രിപ്പും ഒരുക്കിയിട്ടുണ്ട്. ഈ മാസം 27 വരെ നീളുന്ന ക്യാമ്പിൽ നേതൃത്വ പരിശീലനം, വ്യക്തിത്വ വികസനം, സംഗീതം, ഡാൻസ് എന്നിവയിൽ കഴിവും സാമർഥ്യവും പ്രകടമാക്കാനുള്ള അവസരങ്ങളും ഒരുക്കിയിട്ടുണ്ട്. അബൂദബി കമ്യൂണിറ്റി പൊലീസ് ഉദ്യോഗസ്ഥർ ഉൾപ്പെടെ വിവിധ മേഖലയിലെ വിദഗ്ധരാണ് പരിശീലനം നൽകുന്നത്. ഷിജിൽ കുമാർ ആണ് ക്യാമ്പ് ഡയറക്ടർ.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.