ദുബൈ: അഭിനയ മികവിന്‍റെ ആറു പതിറ്റാണ്ടുകൾ പിന്നിടുന്ന ഷീലക്ക് അക്കാഫ് ഇവന്‍റ്സിന്‍റെ ആദരം. ഒക്ടോബർ രണ്ടിന് ദുബൈ അൽനാസർ ലെഷർലാൻഡിൽ നടക്കുന്ന 'ശ്രാവണപൗർണമി' ഓണാഘോഷത്തിലാണ് മലയാളികളുടെ പ്രിയതാരത്തെ ആദരിക്കുന്നത്.
പ്രേംനസീറിനൊപ്പം നായികയായി 107 സിനിമകളിൽ അഭിനയിച്ച് ഗിന്നസ് റെക്കോർഡിൽ സ്ഥാനം പിടിച്ച ഷീല മികച്ച നടിക്കുള്ള സംസ്ഥാന സർക്കാർ പുരസ്കാരം, സഹനടിക്കുള്ള ദേശീയ പുരസ്കാരം, ജെ.സി. ഡാനിയേൽ പുരസ്കാരം തുടങ്ങിയവ നേടിയിട്ടുണ്ട്. മനുഷ്യഹൃദയങ്ങളിലേക്കു കുടിയേറിയ വ്യക്തിത്വങ്ങളെ തിരിച്ചറിയുകയും ആദരിക്കുകയും വരും തലമുറക്ക് പരിചയപ്പെടുത്തിക്കൊടുക്കുകയും ചെയ്യുക എന്നതാണ് പരിപാടിയിലൂടെ ലക്ഷ്യമിടുന്നതെന്ന് അക്കാഫ് ഭാരവാഹികൾ അറിയിച്ചു.
സംഗീത, നൃത്ത പരിപാടികളും മത്സരങ്ങളും ശ്രാവണ പൗർണമിയിൽ അരങ്ങേറും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.