അൽഐൻ ബ്ലൂസ്റ്റാർ സംഘടിപ്പിച്ച സ്പോർട്സ് ഫെസ്റ്റിവൽ ഡോ. ശൈഖ് മുഹമ്മദ് മുസല്ലം ബിൻ ഹാം ഉദ്ഘാടനം ചെയ്യുന്നു
അൽഐൻ: ദേശീയ ദിനത്തോടനുബന്ധിച്ച് ബ്ലൂസ്റ്റാർ സംഘടിപ്പിച്ച 25ാമത് ഇന്‍റർ യു.എ.ഇ ബ്ലൂസ്റ്റാർ സ്പോർട്സ് ഫെസ്റ്റിവൽ അൽഐൻ ഇക്സ്ട്രിയൻ ആൻഡ് ഷൂട്ടിങ്ങിൽ നടന്നു. വർണശബളമായ മാർച്ച് പാസ്റ്റോടെ ആരംഭിച്ച ചടങ്ങ് ഡോ. ശൈഖ് മുഹമ്മദ് മുസല്ലം ബിൻ ഹാം ഉദ്ഘാടനം ചെയ്തു. പാരാലിമ്പിക് ഫുട്ബാൾ താരം ഷഫീഖ് പാണക്കാടൻ മുഖ്യാതിഥിയായിരുന്നു. ഏഴ് എമിറേറ്റ്സുകളുടെ ഐക്യത്തെ പ്രതിനിധാനംചെയ്ത് ഏഴ് വെള്ള പ്രാവുകളെയും യു.എ.ഇയുടെ ദേശീയ പതാകയുടെ നിറങ്ങളിലുള്ള 51 ബലൂണുകളും മുഖ്യാതിഥികൾ ചേർന്ന് പറത്തി.
ഇന്ത്യൻ സ്കൂള്‍ ചെയര്‍മാന്‍ ഡോ. ടി.കെ. മൊയ്തീന്‍, ഡോ. അരുണ്‍ മേനോന്‍, അര്‍ഷാദ് ഷരീഫ്, ഹാരിസ് ബാബു, ഡോ. സുധാകരന്‍, ഷംസു, സുബൈര്‍ എന്നിവരെ സാമൂഹിക സേവനങ്ങളെ മുന്‍നിര്‍ത്തി ആദരിച്ചു. ജിമ്മി , മുബാറക് മുസ്തഫ, മണികണ്ഠന്‍, ബ്ലൂസ്റ്റാര്‍ പ്രസിഡന്‍റ് ആനന്ദ് പവിത്രന്‍, ജന. സെക്രട്ടറി മുഹമ്മദ് ഹുസൈന്‍, ഡോ. ശശി സ്റ്റീഫന്‍, ബ്ലൂസ്റ്റാര്‍ ട്രഷറര്‍ മുഹമ്മദ് ബഷീര്‍, ഇ.കെ. സലാം, നരേഷ് സൂരി എന്നിവരും ഉദ്ഘാടന പരിപാടിയിൽ പങ്കെടുത്തു.
അൽഐൻ മേഖലയിലെ സ്കൂളുകളും പ്രമുഖ ക്ലബുകളും അതിഥികളും മാർച്ച് പാസ്റ്റിന് അണിനിരന്നു. ഗ്രൂപ് ഇനങ്ങളിൽ ഫുട്ബാൾ, ത്രോബാൾ, കബഡി, വടം വലി, ബാസ്കറ്റ്ബാൾ, ബാഡ്മിന്‍റൺ തുടങ്ങിയവയും വ്യക്തിഗത ഇനങ്ങളിൽ ജൂനിയർ, സീനിയർ, സൂപ്പർ സീനിയർ ജന്‍റ്സ്, ലേഡീസ് വിഭാഗങ്ങൾക്കായി 40ഓളം ഇനങ്ങളിലും മത്സരം നടന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.