ആ​ലു​വ​ക്കാ​രു​ടെ ആ​ഘോ​ഷം ഇ​ന്ന്​

​ദു​ബൈ: പ്ര​വാ​സി​ക​ളാ​യ ആ​ലു​വ​ക്കാ​രു​ടെ കൂ​ട്ടാ​യ്മ​യാ​യ ആ​ലു​വ റ​സി​ഡ​ൻ​സ് ഓ​വ​ർ​സീ​സ് മ​ല​യാ​ളീ​സ് അ​സോ​സി​യേ​ഷ​ന്‍റെ (അ​രോ​മ) 20ാം വാ​ർ​ഷി​കം ഞാ​യ​റാ​ഴ്ച ന​ട​ക്കും. വൈ​കീ​ട്ട് മൂ​ന്നു മു​ത​ൽ ദു​ബൈ ശൈ​ഖ്​ റാ​ഷി​ദ് ഓ​ഡി​റ്റോ​റി​യ​ത്തി​ലാ​ണ്​ പ​രി​പാ​ടി​യെ​ന്ന്​ സം​ഘാ​ട​ക​ർ വാ​ർ​ത്ത​സ​മ്മേ​ള​ന​ത്തി​ൽ അ​റി​യി​ച്ചു. വാ​ർ​ഷി​ക​ത്തി​ന്‍റെ ഭാ​ഗ​മാ​യി ‘ഭ​വ​ന​മി​ല്ലാ​ത്ത​വ​ർ​ക്ക് ഭ​വ​നം’ എ​ന്ന പ​ദ്ധ​തി​യി​ലൂ​ടെ, നി​ർ​ധ​ന​രാ​യ ഒ​മ്പ​തു​പേ​ർ​ക്ക് വീ​ടു​വെ​ച്ചു ന​ല്കു​മെ​ന്ന്​ അ​ൻ​വ​ർ സാ​ദ​ത്ത്​ എം.​എ​ൽ.​എ പ​റ​ഞ്ഞു. ഇ​തി​ന്‍റെ പ്രാ​രം​ഭ പ്ര​വ​ർ​ത്ത​ന​ങ്ങ​ൾ ആ​രം​ഭി​ച്ചു. ഇ​തി​നാ​യി 20 സെൻറ് സ്ഥ​ലം നാ​ട്ടി​ൽ വാ​ങ്ങി​യി​ട്ടു​ണ്ട്. എ​ല്ലാ സൗ​ക​ര്യ​ങ്ങ​ളോ​ടും കൂ​ടി​യ ഒ​മ്പ​തു​ ഫ്ലാ​റ്റു​ക​ൾ നി​ർ​മി​ക്കാ​നാ​ണ് പ​ദ്ധ​തി. കൂ​ര​യി​ല്ലാ​ത്ത​വ​ർ​ക്ക്​ വീ​ടു​വെ​ച്ച്​ ന​ൽ​കു​ന്ന​ത്​ മാ​തൃ​കാ​പ​ര​മാ​ണെ​ന്നും എം.​എ​ൽ.​എ പ​റ​ഞ്ഞു.

ര​ണ്ടു പ​തി​റ്റാ​ണ്ടു​ക​ൾ​ക്കി​ട​യി​ൽ സ​മൂ​ഹി​ക-​സാം​സ്കാ​രി​ക-​കാ​രു​ണ്യ രം​ഗ​ത്ത് നി​സ്തു​ല​മാ​യ പ്ര​വ​ർ​ത്ത​ന​ങ്ങ​ളാ​ണ് അ​രോ​മ കാ​ഴ്ച​വെ​ച്ച​തെ​ന്ന്​ ഭാ​ര​വാ​ഹി​ക​ൾ പ​റ​ഞ്ഞു. ആ​ലു​വ​യി​ലെ സ​ർ​ക്കാ​ർ ആ​ശു​പ​ത്രി​യി​ൽ സൗ​ജ​ന്യ ഡ​യാ​ലി​സി​സ് ന​ട​പ്പാ​ക്കി​യ​പ്പോ​ൾ ആ​ദ്യ​മാ​യി മൂ​ന്നു ഡ​യാ​ലി​സി​സ് മെ​ഷീ​നു​ക​ൾ ന​ൽ​കി​യ​ത് അ​രോ​മ​യാ​ണ്. നി​ർ​ധ​ന​രാ​യ 11 പെ​ൺ​കു​ട്ടി​ക​ൾ​ക്ക് 10 പ​വ​ൻ സ്വ​ർ​ണാ​ഭ​ര​ണ​ങ്ങ​ളും 50,000 രൂ​പ​യും വി​വാ​ഹ​പ്പു​ട​വ​യും ന​ൽ​കി സ​മൂ​ഹ​വി​വാ​ഹം സം​ഘ​ടി​പ്പി​ച്ചു.

വെ​ള്ള​പ്പൊ​ക്കം ആ​ലു​വ​യി​ൽ ദു​രി​തം വി​ത​ച്ച​പ്പോ​ൾ ഭ​ക്ഷ്യ​വ​സ്തു​ക്ക​ളും വ​സ്ത്ര​വു​മു​ൾ​പ്പെ​ടെ ഒ​രു കോ​ടി​യോ​ളം രൂ​പ​യു​ടെ ദു​രി​താ​ശ്വാ​സം ന​ല്കി. വാ​ർ​ഷി​കാ​ഘോ​ഷം അ​ൻ​വ​ർ സാ​ദ​ത്ത്​ എം.​എ​ൽ.​എ ഉ​ദ്​​ഘാ​ട​നം ചെ​യ്യും. സി​നി​മാ​താ​രം നി​വി​ൻ​പോ​ളി മു​ഖ്യാ​തി​ഥി​യാ​യി​രി​ക്കും. അ​രോ​മ പ്ര​സി​ഡ​ൻ​റ് സി​ദ്ധീ​ഖ് മു​ഹ​മ്മ​ദ്​ അ​ധ്യ​ക്ഷ​ത വ​ഹി​ക്കും. അ​രോ​മ ജ​ന​റ​ൽ സെ​ക്ര​ട്ട​റി നാ​ദി​ർ​ഷ അ​ലി അ​ക്ബ​ർ ‘ഭ​വ​ന​മി​ല്ലാ​ത്ത​വ​ർ​ക്ക് ഭ​വ​നം’ എ​ന്ന പ​ദ്ധ​തി​യു​ടെ രൂ​പ​രേ​ഖ അ​വ​ത​രി​പ്പി​ക്കും. 

അ​മൃ​ത സു​രേ​ഷ്, മു​ഹ​മ്മ​ദ് അ​ഫ്സ​ൽ, സു​മി അ​ര​വി​ന്ദ്, നീ​തു ജി​നു, ബൈ​ജു ഫ്രാ​ൻ​സി​സ്, അ​ക്ബ​ർ​ഷാ തു​ട​ങ്ങി​യ​വ​രു​ടെ ഗാ​ന​മേ​ള​യും കോ​മ​ഡി ഷോ​യാ​യ മ​റി​മാ​യ​ത്തി​ലെ എ​ല്ലാ ക​ലാ​കാ​ര​ന്മാ​രും അ​ണി​നി​ര​ക്കു​ന്ന സ്കി​റ്റു​ക​ളും സി​നി​മ-​ടെ​ലി​വി​ഷ​ൻ താ​രം ഡ​യാ​ന ന​യി​ക്കു​ന്ന നൃ​ത്ത​പ​രി​പാ​ടി​ക​ളും അ​ര​ങ്ങേ​റും. വാ​ർ​ത്ത​സ​മ്മേ​ള​ന​ത്തി​ൽ പ്ര​സി​ഡ​ന്‍റ്​ സി​ദ്ധീ​ഖ്​ മു​ഹ​മ്മ​ദ്, ജ​ന​റ​ൽ സെ​ക്ര​ട്ട​റി നാ​ദി​ർ​ഷ അ​ലി അ​ക്ബ​ർ, ജ​ന​റ​ൽ ക​ൺ​വീ​ന​ർ ശി​ഹാ​ബ് മു​ഹ​മ്മ​ദ് എ​ന്നി​വ​രും പ​​ങ്കെ​ടു​ത്തു.