അബൂദബി: മറ്റൊരു ഗൾഫ് രാജ്യത്തെ പൗരനെ ക്രൂരമായി മർദിച്ച കേസിൽ രണ്ട് ഏഷ്യക്കാർ അറസ്റ്റിൽ. മർദനത്തിന് ഇരയായ ആളുടെ കൈകൾ ബന്ധിച്ച് ലോഹവസ്തു കൊണ്ട് അടിച്ച് ബോധം കെടുത്തുകയും ശരീരത്തിൽ ചൂടുവെള്ളം ഒഴിക്കുകയും ചെയ്തതായി പൊലീസ് പറഞ്ഞു. ബോധരഹിതനായ ശേഷം വിജനമായ സ്ഥലത്ത് കൊണ്ടുപോയി ഉപേക്ഷിക്കുകയായിരുന്നു.
എന്നാൽ, ബോധം തെളിഞ്ഞപ്പോൾ ഇയാൾ ഒാപറേഷൻ റൂമുമായി ബന്ധപ്പെടുകയായിരുന്നുവെന്ന് അബൂദബി പൊലീസ് അന്വേഷണ വിഭാഗം ഡെപ്യൂട്ടി ഡയറക്ടർ കേണൽ താരിഖ് ആൽ ഗൗൽ അറിയിച്ചു. പൊലീസ് ഉടനെ സംഭവ സ്ഥലത്തെത്തി മർദനത്തിന് ഇരയായ ആളെ ആശുപത്രിയിലേക്ക് മാറ്റി. തുടർന്ന് നടത്തിയ വിശദമായ അന്വേഷണത്തിലാണ് പ്രതികൾ പിടിയിലായത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.