വീ വൺ അൽഐനിന്റെ അവാർഡ് നേടിയവർ ഭാരവാഹികൾക്കൊപ്പം
അൽഐൻ: അൽഐനിലെ സാമൂഹിക, സാംസ്‌കാരിക, കായിക കൂട്ടായ്മയായ വീ വൺ അൽഐൻ പത്താം തരത്തിലും പന്ത്രണ്ടാം തരത്തിലും ഉന്നത വിജയം നേടിയ വിദ്യാർഥികൾക്കുള്ള അവാർഡ് വിതരണവും കുടുംബ സംഗമവും നടത്തി. വീ വൺ പ്രസിഡന്‍റ് നവാബ് ജാന്‍റെ അധ്യക്ഷതയിൽ നടന്ന ചടങ്ങിൽ വീ വൺ ജനറൽ സെക്രട്ടറി ഡോ: ഷാഹുൽ ഹമീദ് സംഘടനയുടെ ഭാവി പരിപാടികൾ വിശദീകരിച്ചു.
അൽഐൻ യൂനിവേഴ്സിറ്റിയിൽ നിന്ന് ഡോക്ടറേറ്റ് നേടിയ നിഷ പ്രസാദിനെ ആദരിക്കുകയും അൽഐൻ ജൂനിയർ സ്കൂളിൽ നിന്നു കോമേഴ്‌സ് വിഭാഗത്തിൽ ഏറ്റവും ഉയർന്ന മാർക്കു നേടിയ ജോഷ്വ സാജു ജോസഫിന് ഗോൾഡ് മെഡൽ സമ്മാനിക്കുകയും ചെയ്തു.
അവാർഡ് ദാന ചടങ്ങിൽ മുഖ്യ അതിഥികളായി ഇന്ത്യൻ സോഷ്യൽ സെന്‍റർ അൽ ഐൻ പ്രസിഡന്‍റ് ജിമ്മി, ജനറൽ സെക്രട്ടറി മണികണ്ഠൻ, വൈസ് പ്രസിഡന്‍റ് സുരേഷ്, ലോക കേരള സഭ മെംബറും അൽ ഐൻ സോഷ്യൽ സെന്‍റർ കോർ കമ്മിറ്റി ചെയർമാനുമായ ഇ.കെ സലാം തുടങ്ങിയവർ സംബന്ധിച്ചു.
കുട്ടികളുടേയും കുടുംബാംഗങ്ങളുടെയും വിവിധ കല പരിപാടികളോടെ അവസാനിച്ച പരിപാടിയിൽ വീ വൺ ട്രഷറർ സുധീർ നന്ദി പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.