സെയ്ഫ് മുഹമ്മദ് അൽ മിദ്ഫ
ഷാർജ: ഉപഭോക്താക്കൾക്ക് മികച്ച കച്ചവട ആനുകൂല്യങ്ങൾ പ്രഖ്യാപിക്കുന്ന ബിഗ് ഷോപ്പർ സെയിൽ രണ്ടു മുതൽ ആറുവരെ ഷാർജ വേൾഡ് എക്സ്പോ സെൻററിൽ നടക്കും. ബിഗ് ഷോപ്പർ സെയിൽ ഈ വർഷത്തെ ഏറ്റവും വലിയ ഫാഷൻ ഇവൻറുകളിൽ ഒന്നായിരിക്കുമെന്ന് എക്സ്പോ സെൻറർ സി.ഇ.ഒ സെയ്ഫ് മുഹമ്മദ് അൽ മിദ്ഫ പറഞ്ഞു.
70 ശതമാനം വരെ വിലക്കിഴിവിൽ വൈവിധ്യമാർന്ന ഉൽപന്നങ്ങൾ വിൽപനക്കെത്തും. രാവിലെ 11 മുതൽ രാത്രി 11 വരെ ഹാൾ നമ്പർ ഒന്നിലാണ് ബിഗ് ഷോപ്പർ നടക്കുക. ആൽദോ, അൽ മൻദൂസ്, ആൽഡോ ആക്സസറി, കോൾ ഇറ്റ് സ്പ്രിങ്സ്, എൽസി വൈകിക്കി, ഹഷ് പപ്പീസ്, ടോംസ്, ബ്രാൻഡ് ബസാർ, ഗാൻറ്, ലാസെൻസ, ലാക്കോസ്റ്റ, ഫില, ബെലിസിമ്മോ പെർഫ്യൂം, ക്രയോള, വിടെക് തുടങ്ങിയ ബ്രാൻറുകളുടെ വസ്ത്രങ്ങൾ, സ്മാർട്ട് കളിപ്പാട്ടങ്ങൾ, പാദരക്ഷകൾ, ഹാൻഡ്‌ബാഗുകൾ, സൗന്ദര്യവർധക വസ്‌തുക്കൾ, ആക്‌സസറികൾ എന്നിവ എത്തും.
കോവിഡ് സുരക്ഷ മാനദണ്ഡങ്ങൾ പാലിച്ചായിരിക്കും മേള. കഴിഞ്ഞവർഷം കോവിഡിനിടയിലും മേള സുരക്ഷിതമായി സംഘടിപ്പിക്കുകയും വിജയം നേടുകയും ചെയ്തിരുന്നു.അഞ്ച് ദിവസത്തെ ബിഗ് ഷോപ്പർ രാവിലെ 11 മുതൽ രാത്രി 11 വരെ തുറന്നിരിക്കും. സന്ദർശകർക്ക് സൗജന്യ പാർക്കിങ് ലഭിക്കും. പ്രവേശന ഫീസ് അഞ്ചു ദിർഹമായിരിക്കുമെന്ന് സംഘാടകർ പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.