ദുബൈ കെ.എം.സി.സി കാസർകോട് ജില്ല കമ്മിറ്റി സംഘടിപ്പിക്കുന്ന മെഗാ രക്തദാന ക്യാമ്പിന്റെ ബ്രോഷർ പ്രകാശനം യഹിയ തളങ്കര നിർവഹിക്കുന്നു
ദുബൈ: യു.എ.ഇ ദേശീയ ദിനം സേവന പ്രവർത്തനങ്ങൾകൊണ്ട് സമ്പന്നമാക്കാൻ പ്രവാസി സമൂഹം മുന്നോട്ടുവരണമെന്ന് യു.എ.ഇ കെ.എം.സി.സി ഉപദേശക സമിതി വൈസ് ചെയർമാൻ യഹിയ തളങ്കര പറഞ്ഞു. ദുബൈ കെ.എം.സി.സി കാസർകോട് ജില്ല കമ്മിറ്റി ഡിസംബർ ഒന്നിന് സംഘടിപ്പിക്കുന്ന മെഗാ രക്തദാന ക്യാമ്പിന്റെ ബ്രോഷർ പ്രകാശനം ചെയ്യുയായിരുന്നു അദ്ദേഹം.
വെസ്റ്റ് ബെസ്റ്റൺ പേൾ ക്രീക് ഹോട്ടലിൽ ചേർന്ന പരിപാടിയിൽ ദുബൈ കെ.എം.സി.സി കാസർകോട് ജില്ല പ്രസിഡന്റ് അബ്ദുല്ല ആറങ്ങാടി അധ്യക്ഷത വഹിച്ചു. ജില്ല ജനറൽ സെക്രട്ടറി സലാം കന്യപ്പാടി സ്വാഗതം പറഞ്ഞു. അഡ്വ. ഇബ്രാഹിം ഖലീൽ, മഹ്മൂദ് ഹാജി പൈവളിഗെ, സി.എച്ച്. നൂറുദ്ദീൻ കാഞ്ഞങ്ങാട്, റാഫി പള്ളിപ്പുറം, യൂസുഫ് മുക്കൂട്, ഹസൈനാർ ബീജന്തടുക്ക, കെ.പി. അബ്ബാസ് കളനാട്, സത്താർ ആലമ്പാടി തുടങ്ങിയവർ സംസാരിച്ചു. ഓർഗനൈസിങ് സെക്രട്ടറി അഫ്സൽ മെട്ടമ്മൽ നന്ദി പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.