ബ്ലൂ സ്റ്റാർ ഫാമിലി സ്പോർട്സ് ഫെസ്റ്റിവലിന്‍റെ ലോഗോ പ്രകാശനം ശൈഖ് ഡോ. മുഹമ്മദ്‌
മുസല്ലം ബിൻഹാം നിർവഹിക്കുന്നു
അൽഐൻ: 27ാമത് ഇന്‍റർ യു.എ.ഇ ബ്ലൂ സ്റ്റാർ ഫാമിലി സ്പോർട്സ് ഫെസ്റ്റിവൽ നവംബർ 24, ഡിസംബർ രണ്ട് തീയതികളിലായി അരങ്ങേറും. 24ന് അൽഐൻ ജൂനിയേഴ്സ് സ്കൂളിൽ ഗ്രൂപ് ഇനങ്ങളായ ബാഡ്മിന്‍റൺ, വോളിബാൾ, ബാസ്കറ്റ് ബാൾ എന്നിവയിൽ പ്രഗല്ഭ ടീമുകൾ മാറ്റുരക്കും. ഡിസംബർ രണ്ടിന് മെഗാ സ്പോർട്സ് അൽഐൻ ഇക്യുസ്ട്രിയൻ ഷൂട്ടിങ് ക്ലബിൽ നടക്കും.
54 ഇനങ്ങളിലായി മൂവായിരത്തിൽപരം കായികതാരങ്ങൾ മേളയുടെ ഭാഗമാവും. വർണാഭമായ മാർച്ച്‌ പാസ്റ്റോടെ നടക്കുന്ന ഉദ്ഘാടന ചടങ്ങിൽ യു.എ.ഇയിലെ നിരവധി പ്രമുഖർ പങ്കെടുക്കും.
രാവിലെ ഒമ്പതുമുതൽ രാത്രി ഒമ്പതുവരെയാണ് പരിപാടി. ജൂനിയർ, സബ് ജൂനിയർ, സീനിയർ വിഭാഗങ്ങളിൽ ഫുട്ബാൾ, ത്രോ ബാൾ, റിലേ, വടംവലി തുടങ്ങി നിരവധി ഗ്രൂപ് ഇനങ്ങളും 50ഓളം വ്യക്തിഗത ഇനങ്ങളും സ്റ്റേഡിയത്തിൽ അരങ്ങുതകർക്കും. സ്പോർട്സ് ഫെസ്റ്റിവലിന്‍റെ ലോഗോ പ്രകാശനം ശൈഖ് ഡോ. മുഹമ്മദ്‌ മുസല്ലം ബിൻഹാം നിർവഹിച്ചു. മത്സരങ്ങളുടെ വിശദവിവരങ്ങൾക്ക് ഫോൺ: 050 5735750, 050 5237142, 050 6437005.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.