പ്രവാസിക്ക്​ മുതലാളിയുടെ സർപ്രൈസ് സമ്മാനം​; ഫോർഡ്​ കാർ!

ദുബൈ: മുതലാളിമാർക്ക്​ ജീവനക്കാരോട്​ ഇഷ്​ടം തോന്നുന്നത്​ എ​പ്പോഴും സംഭവിക്കുന്ന കാര്യമല്ല. ഇഷ്​ടം തോന്നിയാൽ തന്നെ തുറന്നുപറയാനോ സമ്മാനം കൊടുക്കാനോ മുതിരുന്ന മുതലാളിമാരും കുറവാണ്​. എന്നാൽ, ദുബൈയിൽ ഒരു മുതലാളി ത​െൻറ ഡ്രൈവറുടെ മികച്ച സേവനത്തിന്​ സർപ്രൈസ്​ ഗിഫ്​റ്റായി നൽകിയത്​ ഫോർഡ്​ കാറും സൈക്കിളും. മലപ്പുറം കുറ്റിപ്പുറം സ്വദേശിയായ ഇസ്​മായിലാണ്​ സർപ്രൈസ്​ കിട്ടിയ വ്യക്​തി. ജർമൻ സ്വദേശിയും ബിസിനസുകാരനുമായ ഡെന്നിസ്​ ലൂയിസാണ്​ ത​െൻറ ഡ്രൈവറെ​ വമ്പൻ ഗിഫ്​റ്റ്​ നൽകി ഞെട്ടിച്ചത്​.

കഴിഞ്ഞ 16 വർഷമായി ദുബൈയിൽ പ്രവാസിയായ ഇസ്​മായിൽ വിവിധ സ്​ഥാപനങ്ങളിൽ ഡ്രൈവറായി ജോലി ചെയ്​തിട്ടുണ്ട്​. മൂന്നു വർഷം മുമ്പ്​ മാത്രമാണ്​ ഡെന്നിസി​െൻറ ഡ്രൈവറായി ജോലിയിൽ പ്രവേശിച്ചത്​. വളരെ തിരക്കിട്ട ബിസിനസ്​ കൈകാര്യം ചെയ്യുന്ന ഡെന്നിസിന്​ കൂടെയുള്ളവർ കൃത്യനിഷ്​ഠയും ആത്മാർഥതയും ഉള്ളവരാകണമെന്നത്​ നിർബന്ധമാണ്​. ഇസ്​മായിലിനെ കുറിച്ച് കഴിഞ്ഞ മൂന്നു വർഷത്തെ അനുഭവത്തിൽ പൂർണ തൃപ്​തനാണിദ്ദേഹം. ഈ സേവനത്തിന്​​ തിരിച്ചെന്തെങ്കിലും നൽകലാണ്​ സമ്മാനത്തിലൂടെ ഉദ്ദേശിച്ചതെന്ന്​ ഡെന്നിസ്​ ഇൻസ്​റ്റഗ്രാമിൽ പങ്കുവെച്ച വിഡിയോയിൽ പറയുന്നു.

സ്​ഥിരമായി സൈക്കിൾ റൈഡിങ്​ ചെയ്യുന്ന ഡെന്നിസ്​, ഇസ്​മായിലിന്​ ഇതിലെ താൽപര്യം തിരിച്ചറിഞ്ഞാണ്​ സൈക്കി​ൾ സമ്മാനമായി നൽകാൻ തീരുമാനിച്ചത്​. പ്രത്യേകിച്ച്​ മുന്നറിയിപ്പൊന്നും നൽകാതെയാണ്​ സൈക്കി​ൾ ഷോറൂമിലേക്ക്​ ഡ്രൈവറെ ഇദ്ദേഹം വിളിച്ചുകൊണ്ടുപോയത്​. റൈഡിങ്ങിന്​ ഉപയോഗിക്കുന്ന വിലകൂടിയ സൈക്കിൾ ലഭിച്ചപ്പോൾ തന്നെ ഇസ്​മായിൽ ആശ്ചര്യപ്പെട്ടു. തുടർന്നാണ്​ നിനക്ക്​ ഒരു കാര്യം കൂടി കരുതിവെച്ചിട്ടുണ്ട്​ എന്ന്​ പറഞ്ഞ്​ ഡെന്നിസ്​ സൈക്കിൾ ഷോറൂമിന്​ മുന്നിൽ നിർത്തിയിട്ട കാറിനടുത്തേക്ക്​ കൊണ്ടുപോകുന്നത്​. കാറില്ലാതെ സൈക്കിൾ മാത്രമായിട്ട്​ കാര്യമില്ല എന്നും​ പറഞ്ഞ്​ കീ കൈമാറിയതോടെ അക്ഷരാർഥത്തിൽ ഇസ്​മായിലി​​െൻറ കണ്ണ​ുതള്ളി​.

ഇതാദ്യമായല്ല ഇസ്​മായിലിന്​ ഡെന്നിസി​െൻറ സമ്മാനം ലഭിക്കുന്നത്​. കഴിഞ്ഞ ജന്മദിനത്തിൽ ഐ ഫോണും വാച്ചുമാണ്​ സമ്മാനമായി നൽകിയത്​. മുതലാളിക്ക്​ ​തൊഴിലാളിയെ കുറിച്ച്​ പറയാനുള്ളത്​ പോലെ, തിരിച്ചും നല്ലത്​ മാത്രമാണ്​ അനുഭവിക്കാനായതെന്ന്​ ഇസ്​മായിൽ പറയുന്നു. വളരെ മാന്യമായ പെരുമാറ്റവും മറ്റുള്ളവരെ പരിഗണിക്കുന്ന സ്വഭാവവും ത​െൻറ മുതലാളിയുടെ പ്രത്യേകതയാണെന്ന്​ അദ്ദേഹം പറഞ്ഞു. സമൂഹ മാധ്യമത്തിലൂടെ ഡെന്നിസ്​ പങ്കു​വെച്ച സമ്മാനം കൈമാറുന്ന വിഡിയോ വൈറലായതോടെ ധാരാളം ആളുകൾ വിശേഷങ്ങൾ അന്വേഷിച്ച്​ വിളിക്കുന്നുണ്ടെന്നും ഇസ്​മായിൽ കൂട്ടിച്ചേർത്തു. ദുബൈ റാശിദിയ്യയിൽ കുടുംബസമേതമാണ്​ ഇദ്ദേഹം കഴിയുന്നത്​.